Chiranjeevi : 'మన శంకర వరప్రసాద్ గారు' ఓటీటీ రైట్స్ ఫైనల్.. భారీ డీల్‌తో ఎవరు సొంతం చేసుకున్నారంటే?

Chiranjeevi : 'మన శంకర వరప్రసాద్ గారు' ఓటీటీ రైట్స్ ఫైనల్.. భారీ డీల్‌తో ఎవరు సొంతం చేసుకున్నారంటే?

మెగాస్టార్ చిరంజీవి, దర్శకుడు అనిల్ కాంబినేషన్ లో వస్తున్న చిత్రం 'మన శంకర వరప్రసాద్ గారు'  భారీ అంచనాలతో వస్తున్న ఈ  యాక్షన్, ఫ్యామిలీ ఎంటర్‌టైనర్ పై అంచనాలు భారీగానే ఉన్నాయి. ఈ మూవీని వచ్చే ఏడాది సంక్రాంతికి ( 2026 ) విడుదల కానుంది. చిరుకి  ఇది 157వ చిత్రం .. మెగాస్టార్‌కు సంక్రాంతి సెంటిమెంట్ ఎంత బలంగా ఉందో ప్రత్యేకంగా చెప్పనవసరం లేదు.   ఈ పండుగ సీజన్‌లో మరో బ్లాక్‌బస్టర్‌ను తన ఖాతాలో వేసుకునేందుకు చిరంజీవి సిద్ధమవుతున్నారు.

మెగాస్టార్ కొత్త అవతారం

 'పటాస్', 'ఎఫ్‌2', 'సరిలేరు నీకెవ్వరు' వంటి బ్లాక్‌బస్టర్‌లను అందించిన మాస్ డైరెక్టర్ గా అనిల్ రావిపూడి పేరు ఉంది. హాస్యం, యాక్షన్, ఎమోషన్ సమపాళ్లలో పంచి, ప్రేక్షకులకు ఫుల్ మీల్స్ పెట్టడంలో ఆయనకు తిరుగులేదు. ఈ చిత్రం కూడా ఆయనకు అచ్చొచ్చిన ఫ్యామిలీ ఎంటర్‌టైనర్, యాక్షన్ డ్రామా జోనర్‌లో రూపొందుతోంది. చిరంజీవిని మునుపెన్నడూ చూడని విధంగా సాలిడ్ ఫామ్‌లో చూపిస్తానని దర్శకుడు ఇప్పటికే హామీ ఇచ్చారు. 

 ఓటీటీ డీల్స్ ఫైనల్!

ఇప్పటికే విడుదలైన ఈ సినిమాలోని మొదటి పాట 'మీసాల పిల్లా' ఊహించని విజయాన్ని సాధించింది. ఈ పాట ఇప్పటికే 70 మిలియన్ల వ్యూస్‌ను దాటి, త్వరలో 100 మిలియన్ల మైలురాయిని చేరుకోవడానికి సిద్ధమవుతోంది. ఈ పాటలో చిరంజీవి డ్యాన్స్ మూమెంట్స్, ఎనర్జీ ప్రేక్షకులను ఉర్రూతలూగిస్తున్నాయి. 

అంతేకాకుండా, ఈ క్రేజీ ప్రాజెక్ట్‌కు సంబంధించిన డిజిటల్ ,శాటిలైట్ హక్కుల డీల్స్ కూడా దాదాపుగా పూర్తయ్యాయి. ఈ సినిమా డిజిటల్ హక్కులను ప్రముఖ ఓటీటీ ప్లాట్‌ఫామ్ జీ5 (Zee5) భారీ ధరకు కొనుగోలు చేసినట్లు తెలుస్తోంది. అలాగే, శాటిలైట్ హక్కులను జీ తెలుగు (Zee Telugu) దక్కించుకుంది. దీనిపై అధికారిక ప్రకటన రావాల్సి ఉంది. తొలుత ఈ మూవీ ఓటీటీ రైట్స్ అమెజాన్ ప్రైమ్ వీడియో పోటీపడినప్పటికీ.. చివరకు జీ5 దక్కించుకుంది. 

గెస్ట్ రోల్ లో విక్టరీ వెంకటేష్

ఈ సినిమాలో చిరు సరసన లేడీ సూపర్ స్టార్ నయనతార కథానాయికగా నటిస్తుండగా, కేథరిన్ ట్రెసా కీలక పాత్రలో కనిపించనున్నారు. వీరిద్దరి పాత్రలు సినిమా కథకు కీలకం కానున్నాయని తెలుస్తోంది. మరో స్టార్ హీరో విక్టరీ వెంకటేష్ ఈ చిత్రంలో గెస్ట్ రోల్ పోషిస్తున్నారు. అలాగే   ప్రముఖ నటులు రాజేంద్ర ప్రసాద్, వెన్నెల కిషోర్ కూడా కామెడీ టైమింగ్‌తో సందడి చేయనున్నారు. ఈ చిత్రాన్ని సాహు గారపాటి ,  సుస్మితా కొణిదెల సంయుక్తంగా 'షైన్ స్క్రీన్స్','గోల్డ్ బాక్స్ ఎంటర్‌టైన్‌మెంట్' బ్యానర్ల కింద అత్యంత భారీ స్థాయిలో నిర్మిస్తున్నారు. సంగీత దర్శకుడు భీమ్స్ సిసిరోలియా అందించిన బాణీలు సినిమాకు ప్రధాన ఆకర్షణగా నిలవనున్నాయి.

మొత్తం మీద, మాస్ ఎంటర్‌టైనర్‌లకు కేరాఫ్ అడ్రస్‌గా దర్శకుడు అనిల్ రావిపూడికి గుర్తింపు ఉంది.. ఇప్పుడు ఫ్యామిలీ ఆడియన్స్‌కు నచ్చే కథాంశంతో వస్తున్న 'మన శంకర వరప్రసాద్ గారు'.. 2026 సంక్రాంతికి బాక్సాఫీస్ వద్ద రికార్డులు సృష్టించడం ఖాయమని సినీ విశ్లేషకులు అంచనా వేస్తున్నారు.