పెద్దలే కాదు పిల్లలు కూడా ఉదయం పూట కాస్త గట్టిగానే తినాలి. లేదంటే మానసిక సమస్యలు తప్పవు అంటోంది జర్నల్ ఫ్రోటియర్స్ ఇన్ న్యూట్రిషియన్ స్టడీ. ఈ స్టడీ ప్రకారం టైంకి బ్రేక్ఫాస్ట్ తినని పిల్లల్లో యాంగ్జైటీ, మూడ్ స్వింగ్స్ ఎక్కువగా ఉన్నాయి.
టైంకి బ్రేక్ఫాస్ట్ తినకపోయినా, బ్రేక్ఫాస్ట్లో సరిపడా పోషకాలు అందకపోయినా.. పిల్లల ఆరోగ్యంపై ఎలాంటి ప్రభావం పడుతుందన్న విషయంపై ఈ స్టడీ చేశారు. ఈ రీసెర్చ్లో పాల్గొన్న లోపేజ్ గిల్.. 2017 లో స్పానిష్ నేషనల్ హెల్త్ సర్వేని ఆధారంగా చేసుకోని ఈ స్టడీ చేశారు. నాలుగు నుంచి పద్నాలుగేండ్ల మధ్య వయసున్న పిల్లలపై జరిగిన ఈ స్టడీలో బ్రేక్ఫాస్ట్ సరిగా తినని పిల్లల్లో మూడ్స్వింగ్స్, యాంగ్జైటీ సమస్యలు ఉన్నట్లు తేలింది.
బయట బ్రేక్ ఫాస్ట్ తినే పిల్లలో ఈ సమస్య ఇంకాస్త ఎక్కువే ఉన్నట్టు చెప్తున్నారు రీసెర్చర్లు. దానికి కారణం బయటి ఫుడ్లో సరిపడా పోషకాలు లేకపోవడమే. అలాగే బ్రేక్ఫాస్ట్లో కాఫీ, టీ, పాలు, చాక్లెట్, కోకోవా, పెరుగు, బ్రెడ్, టోస్ట్, సిరియల్స్.. పేస్ట్రీస్ తిన్న పిల్లలో ఈ బిహేవియరల్ ప్రాబ్లమ్స్ తక్కువగా ఉన్నాయని చెప్తోంది ఈ రీసెర్చ్.