మరి కొన్ని గంటల్లో చంద్రయాన్ 3 ఆగస్టు 23న చంద్రుడిపై అడుగు పెట్టనుంది. ఇలాంటి అపూర్వ ఘట్టాన్ని చూసేందుకు యావత్ దేశం ఆసక్తిగా ఎదురుచూస్తోంది. చంద్రయాన్ 3 ప్రాజెక్టు కోసం ఎంతో మంది శాస్త్రవేత్తలు రేయింబవళ్లు కష్టపడ్డారు. వారి కష్టానికి ప్రతిఫలం మరి కొన్ని గంటల్లో ప్రపంచానికి కనిపించనుంది. ఈ క్రమంలో శాస్త్రవేత్తలకు కృతజ్ఞతలు చెప్పాలనుకున్న ఓ వ్యక్తి విన్నూతంగా ఆలోచించాడు. ఏకంగా మినీ చంద్రయాన్ 3ని రూపొందించాడు. అది కూడా గోల్డ్ తో..
కోయం బత్తూరుకు చెందిన ఓ ఆర్టిస్ట్ 4 గ్రాముల గోల్డ్ ను ఉపయోగించి 1.5 అంగుళాల పొడవున్న చంద్రయాన్-3 మోడల్‌ను రూపొందించారు. చంద్రయాన్ ప్రాజెక్ట్‌లో పాల్గొన్న శాస్త్రవేత్తలందరికీ కృతజ్ఞతలు తెలిపేందుకు ఈ చిన్న చిత్రాన్ని తయారు చేసినట్లు మారియప్పన్ అనే కళాకారుడు తెలిపారు.
ప్రతి భారతీయుడు గర్వించదగ్గ క్షణం
తాను ప్రతిసారీ ఒక ముఖ్యమైన సంఘటన జరిగినప్పుడు బంగారంతో చిన్న మోడల్ ను తయారు చేస్తానని మారియప్పన్ చెప్పారు. చంద్రయాన్-3 యొక్క లూనార్ ల్యాండర్ విక్రమ్ ఆగస్టు 23న చంద్రునిపై సాఫ్ట్ ల్యాండింగ్ కోసం సిద్ధంగా ఉందని.. ఇది ప్రతి భారతీయుడికి గర్వకారణమని అన్నారు. ఈ క్రమంలో తన భావాన్ని వ్యక్తపరచటానికి చంద్రయాన్ ప్రాజెక్ట్‌ శాస్త్రవేత్తలందరికీ కృతజ్ఞతలు తెలిపేందుకు తాను 4 గ్రాముల బంగారాన్ని ఉపయోగించి ఈ మోడల్‌ను రూపొందించానని చెప్పారు. దీన్ని రూపొందించడానికి తనకు 48 గంటలు పట్టిందని మారియప్పన్ చెప్పారు.
#WATCH | Tamil Nadu | A Coimbatore-based miniature artist designs a 1.5-inch tall model of #Chandrayaan3 using 4 grams of gold.
— ANI (@ANI) August 22, 2023
Chandrayaan-3's Lunar Lander Vikram is all set for a soft landing on the moon tomorrow, 23rd August. pic.twitter.com/xkZG7EZRMu
