హైదరాబాద్, వెలుగు: ప్రభుత్వ విధానాల్లో ఇన్నోవేషన్లకు, కొత్తదనానికి పెద్దపీట వేయడం ద్వారా ఎన్నో విజయాలు సాధించామని రాష్ట్ర పరిశ్రమలు, ఐటీశాఖల మంత్రి కేటీఆర్ అన్నారు. ఇలాంటి విధానాల వల్లే తెలంగాణ మోడల్విజయవంతమైందని చెప్పారు. టీఎస్ ఐపాస్, ఆన్లైన్ బిల్డింగ్ పర్మిషన్ వంటివి ఇందుకు ఉదాహరణలని వివరించారు. హైదరాబాద్ లో శుక్రవారం ఎఫ్టీసీసీఐ ఎక్స్లెన్స్ అవార్డులను అందజేసిన సందర్భంగా ఆయన మాట్లాడుతూ... చంద్రబాబు నాయుడు, వైఎస్ రాజశేఖర రెడ్డి ప్రభుత్వాలు అనుసరించిన రైతు, గ్రామీణ, సంక్షేమ, పట్టణాభివృద్ధి, అభివృద్ధి అనుకూల విధానాలను కేసీఆర్ సర్కారు కూడా అమలు చేస్తోందన్నారు. రాబోయే సంవత్సరంలో ప్రపంచానికి అవసరమయ్యే వ్యాక్సిన్లలో సగం హైదరాబాద్లోనే తయారు కాబోతున్నాయని కేటీఆర్ చెప్పారు. ఎలక్ట్రిసిటీ బిల్స్కు వన్ టైమ్సెటిల్మెంట్ సదుపాయం కల్పించాలని, ట్రేడ్లైసెన్స్ సిస్టమ్ను వెనక్కి తీసుక్కోవాలంటూ ఎఫ్టీసీసీఐ ప్రెసిడెంట్ అనిల్ అగర్వాల్ చేసిన రిక్వెస్ట్కు స్పందిస్తూ ఈ విషయంలో తగిన చర్యలు తీసుకుంటామని చెప్పారు. వీటిపై చర్చించడానికి తగిన చర్యలు తీసుకుంటామని హామీ ఇచ్చారు.
అవార్డులను అందజేసిన మంత్రి
తెలంగాణ ఛాంబర్స్ ఆఫ్ కామర్స్ అండ్ ఇండస్ట్రీ (ఎఫ్టీసీసీఐ) ఫెడరేషన్ ప్రకటించిన ఎక్సలెన్స్ అవార్డులను 22 కంపెనీల ప్రతినిధులకు ఈ సందర్భంగా మంత్రి అందజేశారు. పారిశ్రామిక ఉత్పాదకతలో ఉత్తమ కంపెనీగా --వసంత్ టూల్ క్రాఫ్ట్స్, అత్యుత్తమ పనితీరు గల కంపెనీగా --మహీంద్రా & మహీంద్రా, వ్యవసాయ ఆధారిత పరిశ్రమలో విభాగంలో- -కరణ్ మసాలాలు, మార్కెటింగ్ ఇన్నోవేషన్‌‌‌‌‌‌‌‌‌‌‌‌‌‌‌‌లో --క్లౌడ్‌‌‌‌‌‌‌‌‌‌‌‌‌‌‌‌పోర్టల్ టెక్నాలజీ సొల్యూషన్స్ లిమిటెడ్, ఎగుమతుల్లో -నవా లిమిటెడ్, ఎగుమతి పనితీరు విభాగంలో --హన్స్ ప్రొడక్ట్స్, న్యూ & రెన్యూవబుల్ ఎనర్జీ డెవలప్‌‌‌‌‌‌‌‌‌‌‌‌‌‌‌‌మెంట్/అప్లికేషన్‌‌‌‌‌‌‌‌‌‌‌‌‌‌‌‌లో విభాగంలో -విండ్‌‌‌‌‌‌‌‌‌‌‌‌‌‌‌‌స్ట్రీమ్ ఎనర్జీ టెక్నాలజీస్ , ఎంప్లాయీస్ వెల్ఫేర్ ఇనీషియేటివ్స్‌‌‌‌‌‌‌‌‌‌‌‌‌‌‌‌లో ఎన్సీఎల్ ఇండస్ట్రీస్ , ప్రొడక్ట్ ఇన్నోవేషన్‌‌‌‌‌‌‌‌‌‌‌‌‌‌‌‌లో --శివనారాయణ్ జ్యువెలర్స్, ప్రొడక్షన్ ఎక్సలెన్స్ విభాగంలో రోబోటిక్స్ ప్రైవేట్ లిమిటెడ్, ఆరోగ్య సంరక్షణలో రెలిసిస్ మెడికల్ డివైజెస్, ఏరోస్పేస్ డిఫెన్స్ పరిశ్రమకు అత్యుత్తమ సహకారం అందించిన కంపెనీగా-- ఎంక్యూఎస్ టెక్నాలజీస్, ఐటీలో ఆదర్శ్ కో-–ఆపరేటివ్ అర్బన్ బ్యాంక్ లిమిటెడ్, టూరిజం ప్రమోషన్‌ కేటగిరీలో రామోజీ ఫిల్మ్ సిటీతోపాటు మరికొన్ని కంపెనీల ప్రతినిధులు అవార్డులు అందుకున్నారు. ఏఐజీ హాస్పిటల్స్ సీఎండీ నాగేశ్వర రెడ్డి మంత్రి చేతుల మీదుగా లైఫ్టైమ్ అచీవ్మెంట్ అవార్డు తీసుకున్నారు.
