- కేంద్రానికి మంత్రి సీతక్క విజ్ఞప్తి
హైదరాబాద్, వెలుగు: ఉపాధి హామీ బకాయిలను వెంటనే విడుదల చేయాలని కేంద్రానికి మంత్రి సీతక్క కోరారు. ఉపాధి హామీ పథకం అమలు, వీబీ జీ రామ్జీ చట్టం అంశాలపై కేంద్ర గ్రామీణాభివృద్ధిశాఖ మంత్రి శివరాజ్ సింగ్ చౌహాన్ రాష్ట్రాల మంత్రులతో శనివారం వీడియో కాన్ఫరెన్స్ నిర్వహించారు. ఈ సమావేశంలో మంత్రి సీతక్క, స్పెషల్ చీఫ్ సెక్రటరీ సంజయ్ కుమార్, కమిషనర్ దివ్యా దేవరాజన్ పాల్గొన్నారు.
ఈ సందర్భంగా మంత్రి సీతక్క మాట్లాడుతూ ప్రస్తుతం అమలవుతున్న ఉపాధి చట్టాన్ని యథావిధిగా కొనసాగించాలన్నారు. వీబీ జీ రామ్జీ చట్టంపై మరింత చర్చ జరగాల్సిన అవసరం ఉందన్నారు. రాష్ట్రాల అభిప్రాయాలను తెలుసుకునేంత వరకు కొత్త చట్టం ప్రక్రియను వాయిదా వేయాలని సూచించారు. సీతక్క ప్రస్తావించిన అంశాలపై కేంద్రమంత్రి శివరాజ్ సింగ్ సానుకూలంగా స్పందించారు .
