పిట్లం, వెలుగు: ఎన్నికలప్పుడు బయట నుంచి లీడర్లు వచ్చిపోతుంటారని, తాను మాత్రం పక్కా లోకల్ అని బీఆర్ఎస్ జుక్కల్అభ్యర్థి, ఎమ్మెల్యే హన్మంత్షిండే పేర్కొన్నారు. ఆదివారం ఆయన పిట్లం మండలంలోని తిమ్మానగర్, మార్దండ, కంభాపూర్, గోద్మేగామ్, కారేగామ్, చిన్నకొడప్గల్, ధర్మారం, బుర్నాపూర్, అల్లాపూర్, పారడ్పల్లి గ్రామాల్లో ప్రచారం నిర్వహించారు.
ఈ సందర్భంగా హన్మంత్ షిండే మాట్లాడుతూ.. సంగారెడ్డి జిల్లాకు చెందిన లక్ష్మీకాంత్రావుకు కాంగ్రెస్టికెట్ఇవ్వాలని చూస్తుండగా, నిజామాబాద్కు చెందిన అరుణతారకు బీజేపీ టికెట్ ఇచ్చిందన్నారు. వీరిద్దరికీ స్థానిక సమస్యలపై అవగాహన లేదని, అలాంటప్పుడు ప్రజల సమస్యలను ఎలా పరిష్కరిస్తారన్నారు. గత తొమ్మిదేండ్లుగా పేదల సంక్షేమమే పరమావధిగా పని చేశానన్నారు.
మెనిఫెస్టోలో లోని అనేక పథకాలను బీఆర్ఎస్ ప్రభుత్వం అమలు చేసిందన్నారు. ఈ సందర్భంగా తిమ్మానగర్ గ్రామానికి చెందిన పలువురు పార్టీలో చేరారు. కార్యక్రమంలో ఎంపీపీ కవిత, జడ్పీటీసీ అరికెల శ్రీనివాస్రెడ్డి, మాజీ ఎంపీపీ రజనీకాంత్రెడ్డి, లీడర్లు అన్నారం వెంకట్రామ్రెడ్డి, వాసరి రమేశ్, సాయిరెడ్డి, ప్రతాప్రెడ్డి, దేవేందర్రెడ్డి, నర్సాగౌడ్, జగదీశ్ పాల్గొన్నారు.
