- ఎమ్మెల్యే పైడి రాకేశ్రెడ్డి
ఆర్మూర్, వెలుగు :- - స్థానిక సంస్థల ఎన్నికల్లో జిల్లాలోని మున్సిపాలిటీలను కైవసం చేసుకుంటామని ఎమ్మెల్యే పైడి రాకేశ్రెడ్డి అన్నారు. సోమవారం ఆర్మూర్లో మామిడిపల్లి గ్రామానికి చెందిన బీఆర్ఎస్ యూత్ నాయకులు అరుణ్ తన అనుచరులతో ఎమ్మెల్యే సమక్షంలో బీజేపీలో చేరగా, కండువాలు కప్పి పార్టీలోకి ఆహ్వానించారు. ఈ సందర్భంగా ఎమ్మెల్యే మాట్లాడుతూ ఎంపీ ధర్మపురి అరవింద్ ఆధ్వర్యంలో స్థానిక ఎన్నికల్లో సైనికుల్లా పని చేయాలన్నారు.
దేశాభివృద్ధే బీజేపీ ప్రభుత్వ లక్ష్యమన్నారు. నియోజకవర్గంలో బీజేపీ శ్రేణులతో కలిసి త్వరలో భారీ సభ ఏర్పాటు చేస్తామన్నారు. కార్యక్రమంలో బీజేపీ టౌన్ ప్రెసిడెంట్ మందుల బాలు, చిన్నారెడ్డి, పోల్కం వేణు, జెస్సు అనిల్,పెద్దోళ్ల గంగారెడ్డి, కలిగోట్ గంగాధర్, మధు, పోచంపాడ్ శ్రీనివాస్, రాజు తదితరులు పాల్గొన్నారు.
