పిట్లం, వెలుగు : నూతనంగా ఎన్నికైన సర్పంచ్లు గ్రామాల అభివృద్ధి కోసం నిరంతరం కృషి చేయాలని ఎమ్మెల్యే తోట లక్ష్మీకాంతారావు సూచించారు. మంగళవారం జుక్కల్ క్యాంపు కార్యాలయంలో పిట్లం, నిజాంసాగర్ మండలాల్లో గెలుపొందిన సర్పంచులను సన్మానించి మాట్లాడారు. ప్రజలు ఇచ్చిన అవకాశాన్ని సద్వినియోగం చేసుకుని ప్రజాసేవ చేయాలన్నారు.
ఈ విజయం కాంగ్రెస్ పార్టీపై ప్రజల మద్దతుకు నిదర్శనమని పేర్కొన్నారు. ప్రభుత్వం అందించే సంక్షేమ ఫలాలు అర్హులకు అందేలా చూడాలని తెలిపారు. పార్టీపై నమ్మకంతో విజయం అందించినందుకు ప్రజలకు న్యాయం చేయాలన్నారు. కార్యక్రమంలో జిల్లా కాంగ్రెస్ అధ్యక్షుడు ఏలె మల్లికార్జున్, కాంగ్రెస్ నాయకులు పాల్గొన్నారు.
