- రైతుల ధ్యానంలో కోత పెట్టొద్దు
- ఎమ్మెల్యే వివేక్-సరోజ సమక్షంలో చేరికలు
కోల్బెల్ట్/జైపూర్, వెలుగు: పెద్దపల్లి ఎంపీ అభ్యర్థి గడ్డం వంశీకృష్ణకు లక్ష పైగా మెజార్టీ తీసుకొచ్చేందుకు కాంగ్రెస్ శ్రేణులు సమష్టిగా కృషి చేయాలని చెన్నూరు ఎమ్మెల్యే వివేక్ వెంకటస్వామి పిలుపునిచ్చారు. మంగళవారం రాత్రి జైపూర్ మండల కేంద్రంలో కాంగ్రెస్ పెద్దపల్లి ఎంపీ అభ్యర్థి గడ్డం వంశీకృష్ణకు మద్దతుగా నిర్వహించిన కార్నర్మీటింగ్లో ఎమ్మెల్యే మాట్లాడారు. కాంగ్రెస్ ప్రభుత్వం వచ్చిన తర్వాత ప్రజలకు స్వేచ్ఛ వచ్చిందని, సర్కార్ ఇచ్చిన ఆరు గ్యారంటీల్లో ఐదింటిని చిత్తశుద్ధితో అమలు చేసిందన్నారు.
రాష్ట్రంలో అందరికీ ఇందిరమ్మ ఇండ్లు ఇస్తామని, నియోజకవర్గానికి 3,500 ఇండ్లు మంజూరైనట్లు తెలిపారు. కాకా వెంకటస్వామిని విమర్శించే అర్హత బీజేపీ అభ్యర్థి గోమాస శ్రీనివాస్కు లేదన్నారు. కార్యకర్తలు, లీడర్లు ఇంటింటికీ వెళ్లి కాంగ్రెస్పథకాలను ప్రజలకు వివరించాలని సూచించారు. వరి ధాన్యం కొనుగోలు సెంటర్ల నిర్వాహకులు సక్రమంగా పనిచేయాలని, రైస్ మిల్లర్లు రైతుల ధాన్యానికి కోత పెట్టి ఇబ్బందులకు గురిచేయొద్దని ఆదేశించారు.
కాంగ్రెస్లోకి భారీగా చేరికలు
మంచిర్యాలలోని ఎమ్మెల్యే నివాసంలో ఏర్పాటు చేసిన కార్యక్రమంలో అఖిల భారత యాదవ మహాసభ మంచిర్యాల జిల్లా అధ్యక్షుడు, కాంగ్రెస్ పార్టీ రాష్ట్ర నేత బండి సదానందం యాదవ్ ఆధ్వర్యంలో యాదవ సంఘం జిల్లా జనరల్ సెక్రటరీ మల్లెత్తుల నరేశ్ యాదవ్, మందమర్రి, కాసీపేట, బెల్లంపల్లి, మంచిర్యాల మండలాలకు చెందిన 200 మంది యాదవ కులస్తులు ఎమ్మెల్యే వివేక్వెంకటస్వామి–సరోజ దంపతుల సమక్షంలో హస్తం గూటికి చేరారు.
మందమర్రి పట్టణానికి చెందిన బీఆర్ఎస్ సీనియర్ లీడర్ సంగి సది, జైపూర్ మండల బీజేపీ ప్రెసిడెంట్ బెద దుర్గాప్రసాద్, జైపూర్మండల పద్మశాలీ సంఘం ప్రెసిడెంట్ వేముల మల్లేశ్తో పాటు పలువురు ఎమ్మెల్యే వివేక్, మాజీ ఎమ్మెల్యే నల్లాల ఓదెలు సమక్షంలో కాంగ్రెస్లో చేరారు. ఈ కార్యక్రమంలో జైపూర్ మండల కాంగ్రెస్ ప్రెసిడెంట్ ఫయాజ్, చల్లా సత్యనారాయణరెడ్డి, రిక్కుల శ్రీనివాస్రెడ్డి, ముక్తి శ్రీనివాస్, మందమర్రి లీడర్లు గుడ్ల రమేశ్, పాషా, తిరుమల్రెడ్డి, పైడిమల్ల నర్సింగ్, ఓడ్నాల కొమురయ్య, ఎర్రరాజు, అర్జున్ మహంతో, కిరణ్తదితరులు పాల్గొన్నారు. బెల్లంపల్లి పట్టణం బజార్ ఏరియాలో ఎమ్మెల్యే వినోద్తో కలిసి గడ్డం సరోజ ప్రచారం నిర్వహించారు.
