- అసెంబ్లీ ఎన్నికల్లో ఓడినాకేటీఆర్కు అహంకారం తగ్గలేదు
- రాష్ట్రంలో గులాబీ పార్టీ భూస్థాపితం
- ఎమ్మెల్సీ మహేశ్గౌడ్
నిజామాబాద్, వెలుగు: అసెంబ్లీ ఎన్నికల్లో చావుదెబ్బతిన్నా బీఆర్ఎస్ లీడర్ల అహం తగ్గలేదని టీపీసీసీ వర్కింగ్ప్రెసిడెంట్, ఎమ్మెల్సీ మహేశ్కుమార్గౌడ్పేర్కొన్నారు. లోక్సభ ఎలక్షన్లో గులాబీ పార్టీకి ఒక్కసీటు గెలిచే పరిస్థితి లేదని, రాష్ట్రంలో ఇక ఆ పార్టీ భూస్థాపితమేనన్నారు. సోమవారం ఆయన డీసీసీ ఆఫీస్లో మీడియాతో మాట్లాడారు. ప్రజా తీర్పుతో అధికారం చేపట్టిన కాంగ్రెస్ను గద్దె దింపుతామంటూ బీఆర్ఎస్ వర్కింగ్ ప్రెసిడెంట్ కేటీఆర్చేస్తున్న కామెంట్లు ఆయన గర్వానికి నిదర్శనమన్నారు.
తండ్రి (కేసీఆర్) చాటు బిడ్డగా సీఎం కుర్చీపై కన్నేసిన కేటీఆర్, అది సాధ్యం కాకపోవడంతో మతి భ్రమించిందన్నారు. ధనిక రాష్ట్రాన్ని అప్పులపాలు చేశారని ఫైర్ అయ్యారు. పాలనా వ్యవస్థ మొత్తాన్ని గుప్పిట్లో పెట్టుకొని అవినీతికి పాల్పడిన బీఆర్ఎస్గవర్నమెంట్కు ప్రజలు గుణపాఠం చెప్పారన్నారు. మేడిగడ్డ బ్యారేజీ పేరుతో పెద్ద కుంభకోణం చేశారని, కృష్ణా జలాలను ఆంధ్రా ప్రాంతానికి ధారాదత్తం చేశారన్నారు.
ALSO READ : జడ్చర్ల లో ఎయిర్పోర్టులకు దీటుగా రైల్వే స్టేషన్లు : మన్నే శ్రీనివాస్రెడ్డి
పాలమూరు రంగారెడ్డి ఎత్తిపోతలకు ఏ రోజు జాతీయ హోదా ఆడగలేదని ఆగ్రహం వ్యక్తం చేశారు. రేవంత్రెడ్డి సీఎం అవుతారని గ్రహించిన ప్రజలు, కాంగ్రెస్కు అధికారం కట్టబెట్టారన్నారు. కాంగ్రెస్సంప్రదాయానికి భిన్నంగా రేవంత్పేరును ఎన్నికల ముందే ప్రకటించి ఉంటే కేసీఆర్, కేటీఆర్, హరీశ్రావు కూడా గెలిచేవారుకాదన్నారు. ఎన్నికలప్పుడు ఇచ్చిన ప్రతి హామీని కాంగ్రెస్పార్టీ కచ్చితంగా అమలు చేస్తుందన్నారు. మాజీ ఎమ్మెల్సీ ఆకుల లలిత, రత్నాకర్, కేశవేణు తదితరులు పాల్గొన్నారు.
