హైదరాబాద్, వెలుగు: తెలంగాణ ఉద్యమకారులకు ఇచ్చిన హామీలను త్వరగా అమలు చేయాలని ఎమ్మెల్సీ విజయశాంతి రాష్ట్ర ప్రభుత్వానికి మంగళవారం ఒక ప్రకటనలో విజ్ఞప్తి చేశారు. శాసన మండలి సమావేశాల్లో తాను ఈ విషయంపై మాట్లాడానని, సీఎం రేవంత్ రెడ్డి స్పందించి ఓ కమిటీని ఏర్పాటు చేశారన్నారు.
ఆ కమిటీ వెంటనే సీఎంకు నివేదిక ఇవ్వాలని సూచించారు. హామీల అమలులో ఏమాత్రం ఆలస్యం జరిగినా జనగామ జిల్లాకు చెందిన తెలంగాణ ఉద్యమకారుడు లక్ష్మణ్ గౌడ్ వంటి ఆత్మహత్య ఘటనలు మరిన్ని చూడాల్సి వస్తుందని ఆందోళన వ్యక్తం చేశారు.
లక్ష్మణ్ గౌడ్ సూసైడ్తనను తీవ్రంగా కలచివేసిందన్నారు. ఇలాంటి ఉద్యమకారుల అకుంఠిత దీక్షతోనే తెలంగాణ కల సాకారమైందని తెలిపారు. అందుకే ఉద్యమంలో పాల్గొన్న వారికి ప్రభుత్వం తగిన న్యాయం చేయాలని ఆమె కోరారు.
