నందిపేట, వెలుగు: ప్రజలకు సేవ చేయాలనే సదుద్దేశంతో రాజకీయాల్లోకి వచ్చిన అంకాపూర్కు చెందిన పైడి రాకేశ్రెడ్డిని భారీ మెజార్టీతో ఆర్మూర్ ఎమ్మెల్యేగా గెలిపించాలని ఎంపీ ధర్మపురి అర్వింద్ కోరారు. శనివారం మండల కేంద్రంలో రాకేశ్రెడ్డికి మద్దతుగా అర్వింద్ఎన్నికల ప్రచారంలో పాల్గొన్నారు. రోడ్షోలో అర్వింద్ మాట్లాడుతూ.. కూతురు కవితకు బంజారాహిల్స్లో రూ.400 కోట్లతో, పెంపుడు కొడుకు జీవన్రెడ్డికి ఆర్మూర్లో రూ.100 కోట్లతో ఆర్మూర్లో శాపింగ్ మాళ్లుకట్టించిన కేసీఆర్, నియోజకవర్గంలోని పేద ప్రజలకు మాత్రం ఒక్క డబుల్ బెడ్రూమ్ ఇల్లు కూడా కట్టించి ఇవ్వలేదని అన్నారు.
పదేండ్లుగా నియోజకవర్గంలో గుండాగిరి చేసిన జీవన్రెడ్డి, ఇప్పుడు కుక్కర్లు, చీరలు పంచిపెట్టగానే ఓట్లేయడానికి ప్రజలు అమాయకులు కాదన్నారు. రూ.లక్ష కోట్లతో కట్టిన కాళేశ్వరం ప్రాజెక్ట్కు కేసీఆర్ ఇంజినీర్ కావడం వల్లే అది రెండేండ్లకే కూలిందని ఎద్దేవా చేశారు. పార్లమెంట్ పరిధిలోని అన్ని నియోజకవర్గాల్లో గెలవాలనే ఉద్దేశంతో ఆర్మూర్లో బలమైన అభ్యర్థిని నిలిపి, తాను కోరుట్లకు వెళ్లానన్నారు.
తాము అధికారంలోకి వస్తే వ్యవసాయాధారిత పరిశ్రమలు నెలకొల్పుతామన్నారు. పసుపు బోర్డు ఏర్పాటుతో ఏడాదిలోనే పసుపుకు రూ.20 వేల మద్దతు ధర వస్తుందన్నారు. రాకేశ్రెడ్డి మాట్లాడుతూ జీవన్రెడ్డికి రెండుసార్లు అవకాశమిచ్చినా అభివృద్ధి చేయలేదని, తనను గెలిపిస్తే నియోజకవర్గంలోని పేదలందరికీ ఇండ్లు నిర్మిస్తామన్నారు. కార్యకర్తలను ఎమ్మెల్యే అనుచరులు బెదిరిస్తే తగిన బుద్ధి చెబుతామని హెచ్చరించారు. కార్యక్రమంలో రాష్ట్ర కార్యదర్శి పల్లె గంగారెడ్డి, పైడి రేవతి, సుచరిత రెడ్డి తదితరులు పాల్గొన్నారు.
