సీతారామం(Sitaramam) ఫేమ్ మృణాల్ ఠాకూర్(Mrunal thakur) పెళ్లి ఇప్పడు హాట్ టాపిక్ గా మారింది. సోషల్ మీడియాలో ఎక్కడ చూసినా ఆమె పెళ్లి గురించే ప్రస్తావన. మృణాల్ ఠాకూర్ తెలుగబ్బాయిని పెళ్లి చేసుకోబోతుందని, ఆ అబ్బాయి ఎవరు? అంటూ నెటిజన్స్ ఆరాలు తీస్తున్నారు. ఈ వార్తలు మృణాల్ వరకు చేరడంతో రీసెంట్ గా ఆమె స్పందించారు.
ఆమె హీరోయిన్ గా నటిస్తున్న లేటెస్ట్ మూవీ హాయ్ నాన్న(Hi nanna). నాని(Nani) హీరోగా వస్తున్న ఈ పాన్ ఇండియా మూవీ డిసెంబర్ 7న ప్రేక్షకుల ముందుకు రానుంది. కొత్త దర్శకుడు శౌర్యువ్(Shouryuv) తెరకెక్కిస్తున్న ఈ ఫ్యామిలీ అండ్ ఎమోషనల్ ఎంటర్టైనర్ పై ప్రేక్షకుల్లో మంచి అంచనాలే ఉన్నాయి. రిలీజ్ డేట్ దగ్గర పడుతుండటంతో మూవీ ప్రమోషన్స్ మొదలుపెట్టారు మేకర్స్. ఇందులోల్ భాగంగా తాజాగా ఓ ఇంటర్వ్యూలో పాల్గొన్నారు హీరోయిన్ మృణాల్.
Also Read :- పెళ్లి తరువాత మొదటిసారి హైదరాబాద్లో అడుగుపెట్టిన నవ దంపతులు
ఈ ఇంటర్వ్యూలో యాంకర్ మృణాల్ పెళ్లి గురించి ప్రశ్నించారు. ఇంతకీ ఆ తెలుగబ్బాయి ఎవరూ? అంటూ డైరెక్ట్ గా అడిగేశాడు. దానికి సమాధానంగా మృణాల్ మాట్లాడుతూ.. తెలుగబ్బాయితో పెళ్లిపై నా కుటుంబసభ్యులు, మిత్రులు, డిజైనర్లు, స్టైలిస్ట్‌లు పదే పదే అడుగుతున్నారు. నేను అదే అడుగుతున్నా.. ఇంతకీ ఆ తెలుగబ్బాయి ఎవరు? తెలిస్తే నాకు కూడా చెప్పండి. నిజానికి ఆ వార్తలు చూసి నేను చాలా నవ్వు కున్నా. . అని చెప్పుకొచ్చారు. దీంతో మృణాల్ పెళ్లిపై వస్తున్న వార్తల్లో ఎలాంటి నిజం లేదని క్లియర్ అయ్యింది.
