ఇండియన్ ఇన్స్టిట్యూట్ ఆఫ్ టెక్నాలజీ (ఐఐటీ), ఎన్ఐటీల్లో ఎంటెక్ కోర్సుల్లో అడ్మిషన్స్కు గ్రాడ్యుయేట్ ఆప్టిట్యూడ్ టెస్ట్ ఇన్ ఇంజినీరింగ్ (గేట్) 2022 నోటిఫికేషన్ రిలీజ్ అయింది. ఈ సారి గేట్ ఎగ్జామ్ను ఐఐటీ ఖరగ్‌‌పూర్ నిర్వహించనుంది. గేట్-2022లో కొత్తగా జీఈ (జియోమాటిక్స్ ఇంజనీరింగ్), ఎన్ఎమ్ (నావల్ ఆర్కిటెక్చర్, మెరైన్ ఇంజనీరింగ్) రెండు పేపర్లను ప్రవేశపెట్టారు. నౌకానిర్మాణ పరిశ్రమలు, జియో- ఇన్ఫర్మేటిక్స్ రంగాల్లోని గ్రాడ్యుయేట్లకు భవిష్యత్తులో అనేక ఉద్యోగ అవకాశాలు ఉండటంతో ఈ బ్రాంచుల్లో కూడా గేట్ ఎగ్జామ్ నిర్వహించనున్నారు. ఈసారి కేవలం ఇంజినీరింగ్ గ్రాడ్యుయేట్లే కాకుండా బీడీఎస్, ఎం.ఫార్మసీ అర్హత కలిగిన విద్యార్థులు ఈ పరీక్షలకు దరఖాస్తు చేసుకునే అవకాశం కల్పించారు.
గేట్ ర్యాంకుతో చదువు, జాబ్
గేట్ స్కోరుతో ఐఐటీ, ఎన్ఐటీ వంటి ప్రతిష్టాత్మక సంస్థలతో పాటు రాష్ట్రాల్లోని ప్రభుత్వ, ప్రైవేట్ ఇంజినీరింగ్ కాలేజీల్లో ఎంఈ/ఎంటెక్ కోర్సుల్లో ప్రవేశాలు పొందవచ్చు. గేట్ స్కోరుతో బీహెచ్ఈఎల్, పవర్ గ్రిడ్, బెల్, డీఆర్డీఓ, గెయిల్, హాల్, ఇండియన్ ఆయిల్ వంటి అనేక ప్రభుత్వ రంగ సంస్థల్లో ఉద్యోగాలు దక్కించుకోవచ్చు. పై సంస్థలు కేవలం గేట్ స్కోర్ ఆధారంగా అభ్యర్థులను షార్ట్ లిస్టు చేసి, ఇంటర్వ్యూ నిర్వహించి ఉద్యోగాల్లో చేర్చుకుంటున్నాయి.
అర్హత: గ్రాడ్యుయేషన్ డిగ్రీ (ఇంజినీరింగ్/ ఆర్కిటెక్చర్/ సైన్స్/ కామర్స్/ ఆర్ట్స్ ఉత్తీర్ణత. డిగ్రీ ఫైనల్ ఇయర్ అభ్యర్థులూ అప్లై చేసుకోవచ్చు.
సెలెక్షన్ ప్రాసెస్: ఆన్లైన్ ఎగ్జామ్
అప్లికేషన్ ఫీజు: జనరల్ అభ్యర్థులకు రూ.1500
అప్లికేషన్స్ ప్రారంభం: 30 ఆగస్టు
చివరితేది: 24 సెప్టెంబర్
హాల్టికెట్స్ డౌన్లోడ్: 3 జనవరి 2022
ఎగ్జామ్: 2022, ఫిబ్రవరి 5 నుంచి 13 వరకు నిర్వహిస్తారు.
రిజల్ట్స్: 17 మార్చి 2022
వెబ్సైట్: www.gate.iitkgp.ac.in
