ముంబై: రెండోసారి కూడా ఆడపిల్లే పుట్టిందంటూ అత్తింటివాళ్లు వేధించడంతో.. భరించలేక ఓ తల్లి సొంత బిడ్డనే వాటర్ ట్యాంక్లో పడేసి చంపేసింది. తన పాపను ఓ వ్యక్తి ఎత్తుకెళ్లాడంటూ పోలీసులకు కంప్లయింట్ ఇచ్చింది. విచారణలో అసలు నిజం బయటపడటంతో ఆమెను పోలీసులు అరెస్ట్ చేశారు. ముంబైలోని కాలాచౌకీ ఏరియా ఫెర్బందర్ కాలనీలో ఈ సంఘటన జరిగింది. కాలనీలోని సంఘర్ష్ సదన్ బిల్డింగ్ లో ఉంటున్న సప్న బజరంగ్ మగ్దూం(36)కు 2011లో పెళ్లి కాగా, 2013లో ఆడపిల్ల పుట్టింది. ఆ తర్వాత ఆమె ప్రెగ్నెంట్ అయినప్పుడల్లా మంత్రగాడి వద్దకు తీసుకెళ్లిన కుటుంబసభ్యులు ఆడపిల్ల పుడుతుందని చెప్పడంతో మూడుసార్లు అబార్షన్ చేయించారు. నాలుగోసారి అబార్షన్కు ఆమె ఒప్పుకోలేదు. 3 నెలల కిందట మళ్లీ ఆడపిల్ల పుట్టడంతో అత్తింటివాళ్ల వేధింపులు ఎక్కువయ్యాయి.
ట్యాంక్ లో వేసి.. కిడ్నాప్ కథ
అత్తింటివాళ్ల వేధింపులతో తీవ్ర మనస్తాపం చెందిన సప్న మంగళవారం భర్త డ్యూటీకి వెళ్లిన తర్వాత పాపను వాటర్ ట్యాంక్లో వేసింది. పాప మునిగిపోగానే మూత పెట్టింది. ఆ తర్వాత పాపను ఎవరో కిడ్నాప్ చేశారని కట్టుకథ చెప్పింది. పాత బట్టలకు ప్లాస్టిక్ బకెట్ ఇస్తామంటూ ఓ వ్యక్తి ఇంట్లోకి వచ్చాడని, క్లోరోఫాం పూసిన గుడ్డతో తన ముక్కును మూయడంతో స్పృహ తప్పిపడిపోయానని, అతడు తన పాపను ఎత్తుకెళ్లాడని పోలీసులకు ఇచ్చిన కంప్లయింట్లో పేర్కొంది.
