కొంతమంది తెలియని ప్రదేశాలకు వెళ్లాల్సి వస్తుంది. వారు వెళ్లాల్సిన ప్రదేశం ఎక్కడ అని అక్కడ కనిపించిన వారిని అడిగితే ఒక్కొక్కరు ఒక్కో విధంగా చెబుతారు. అయితే టెక్నాలజీ పెరిగిన తరువాత గూగుల్ మ్యాప్ ద్వారా గమ్యస్థానానికి ఎవరిని అడగకుండానే వెళ్లవచ్చు. ఇలా గూగుల్ మ్యాప్ సర్చ్ చేసేటప్పుడు కొన్ని కొన్ని కొత్త విషయాలు కూడా బయటపడతాయి. ఇప్పుడు అలాగే అంటార్కిటికాలో గూగుల్ మ్యాప్ యూజర్స్ కొత్తగా ఒక నాజీ బంకర్ ను కనుగొన్నారు. అయితే అది రెండో ప్రపంచ యుద్దం నాటిదని చెబుతున్నారు. సెకండ్ వరల్డ్ వార్ తరువాత అప్పటి నియంత అడాల్ఫ్ హిట్లర్ ఈ బంకర్ లో నివసించాడని కొంతమంది అంటున్నారు.
అంటార్కికిటికాలో.. గూగుల్ మ్యాప్లో కనిపించిన నాజీ బంకర్ (తలుపు మాదిరిగా ఉన్న చిత్రం)ను ఫేస్ బుక్ యూజర్ జూలై 30న స్క్రీన్ షాట్ ను పోస్ట్ చేశాడు. ఇది మంచు ఫలకం మాదిరిగా ఉండి తలుపు ఆకారంలో ఉంది. రెండో ప్రపంచ యుద్ద సమయంలో ఇది నాజీల రహస్య బంకర్ కావచ్చని కొంతమంది అభిప్రాయపడుతున్నారు. రెండో ప్రపంచ యుద్దం సమయంలో జర్మన్ అధికారులు అంటార్కిటాలో రహస్య స్థావరాన్ని నిర్మించారని మరికొందరు అంటున్నారు.దీనికోసం అంటార్కిటాకు 1938 లో అప్పటి జర్మన్ ఒక మిషన్ ను పంపిందని చెబుతున్నారు. ఆ తరువాత హిట్లర్ ఇక్కడ నివసించారని అంటున్నారు.
అయితే ఈ చిత్రానికి సంబంధించి అధికారికంగా ఏ ఏజన్సీ ప్రకటించలేదు. అయితే గతంలో కూడా ఇలాంటి చిత్రాలు సోషల్ మీడియాలో షేర్ అయ్యాయి. దీనికి కారణం రెండో ప్రపంచ యుద్దం అయిన తరువాత హిట్లర్ ఇక్కడే తన ప్రాణాలను కాపాడుకున్నాడని ప్రజలు అంటున్నారు. కాని హిట్లర్ 1945లోనే మరణించినట్లు .. . అతని దంతాల నమూనా ద్వారా మరణం నిర్ధారించబడింది .ఆయన ఇక్కడ చాలాకాలం నివసించిన తరువాత అర్జెంటీనా పారిపోయి అక్కడే చనిపోయే వరకు గడిపాడని మరికొంతమంది అంటున్నారు. అయితే బెర్లిన్ లో నిర్మించిన బంకర్లో తుపాకీతో కాల్చుకొని ఆత్మహత్య చేసుకున్నాడని చరిత్రలో ఉంది.
