టాలీవుడ్ హీరో నాగ శౌర్య త్వరలో పెళ్లి పీటలెక్కబోతున్నాడు. ప్రేమించిన అమ్మాయిని వివాహం చేసుకోబోతున్నాడని తెలుస్తోంది. బెంగుళూరుకు చెందిన అనూష శెట్టితో నాగ శౌర్య వెడ్డింగ్ జరగనుంది. నవంబర్‌ 19, 20వ తేదీల్లో బెంగళూరులో నాగశౌర్య వెడ్డింగ్ సెలబ్రేషన్స్‌ జరుగబోతున్నాయి. ఈ పెళ్లికి ఈ నెల 20న ఉదయం 11.25 నిమిషాలకు ముహూర్తం ఫిక్స్ చేశారు. ఇక అనూష శెట్టి బెంగుళూరులో ఇంటీరియర్ డిజైనర్, ఆర్కిటెక్ట్ కూడా పని చేస్తోందని తెలుస్తోంది. ఈ విషయాన్ని బీఏ రాజు టీం సోషల్ మీడియా వేదికగా ప్రకటించింది.
నాగ శౌర్యకు ఇలా సడన్ గా వివాహం ఫిక్స్ కావడం టాలీవుడ్ లో హాట్ టాపిక్ గా మారింది. ఇక ఈ యంగ్ హీరో ప్రస్తుతం బ్యాక్ టు బ్యాక్ సినిమాలతో బిజీ బిజీగా ఉన్నాడు. ఈ ఏడాది షిర్లే సెటియాతో కలిసి కృష్ణ వ్రింద విహారి సినిమాతో ప్రేక్షకుల ముందుకొచ్చాడు.
