హాలియా, వెలుగు : నాగార్జునసాగర్ నుంచి శ్రీశైలం లాంచీ ప్రయాణం ఈ రోజు నుంచి ప్రారంభం కానుంది. ఎత్తైన కొండలు, పచ్చటి ప్రకృతి మధ్య సాగే ఈ యాత్రను శనివారం ఉదయం నాగార్జునసాగర్ వద్ద ప్రారంభించనున్నారు. ఇందుకోసం తెలంగాణ పర్యాటక అభివృద్ధి సంస్థ ఆధ్వర్యంలో ఆఫీసర్లు అన్ని ఏర్పాట్లు పూర్తి చేశారు. సాగర్ నుంచి శ్రీశైలం వరకు వన్‌ వే అయితే పెద్దలకు రూ. 2 వేలు, ఐదు నుంచి పదేండ్ల లోపు పిల్లలకు రూ.1600, అప్‌ అండ్‌ డౌన్‌ అయితే పెద్దలకు రూ. 3,250 , పిల్లలకు రూ.2,600గా టికెట్‌ రేట్లను నిర్ణయించారు.
మధ్యాహ్నం భోజనాన్ని లాంచీలోనే ఏర్పాటు చేయనున్నారు. టికెట్ల బుకింగ్‌ ఆధారంగా లాంచీ ప్రయాణాన్ని కొనసాగించనున్నారు. www.tgtdc.in వెబ్‌‌‌‌‌‌‌‌సైట్‌‌‌‌‌‌‌‌లో టికెట్లను బుక్‌ చేసుకోవచ్చని, మరిన్ని వివరాలకు హైదరాబాద్‌‌‌‌‌‌‌‌లోని బషీర్‌‌‌‌‌‌‌‌బాగ్‌ సెంట్రల్‌ రిజర్వేషన్‌ సెంటర్ 9848540371, 9848125720, నాగార్జునసాగర్ లాంచీ యూనిట్‌ 7997951023 నంబర్లను సంప్రదించాలని ఆఫీసర్లు పేర్కొన్నారు.
