బిగ్ బాస్ తెలుగు 9 సీజన్ చివరి దశకు చేరుకుంటున్న కొద్దీ, హౌస్‌లో వాతావరణం వేడెక్కుతోంది. ఈ వీకెండ్ ఎపిసోడ్ హోస్ట్ నాగార్జున మరింత కఠినంగా, సీరియస్‌గా కనిపించారు. ముఖ్యంగా, కంటెస్టెంట్ సంజన వ్యవహారంపై ఆయన స్పందించిన తీరుతో హౌస్‌లో తీవ్ర ఉత్కంఠ నెలకొంది. సంజన హౌస్ నుండి వైదొలగబోతుందా అనే సందేహాన్ని కలిగించింది. రితూపై చేసిన కామెంట్స్ కు స్టాంగ్ గా వార్నింగ్ ఇచ్చిపడేశారు. ఇష్టం లేకపోతే హౌస్ నుంచి వెళ్లిపోవచ్చని బిగ్ బాస్ గేట్లు ఓపెన్ చేయించారు..
'నేను అసలు సంతోషంగా లేను..
సాధారణంగా నవ్వుతూ, సరదాగా ఉండే నాగార్జున, ఈరోజు ఎపిసోడ్‌లో పూర్తి సీరియస్ మోడ్‌లో కనిపించారు. "ఫ్యామిలీ వీక్ తర్వాత అందరూ సంతోషంగా ఉంటారని అనుకున్నా. కానీ, నేను మాత్రం అసలు సంతోషంగా లేను," అంటూ నేరుగా ఘర్షణల అంశాన్ని లేవనెత్తారు. హౌస్‌లో జరిగిన గొడవల్లో నిన్ను బాగా ఇబ్బంది పెట్టిన గొడవ ఏంటి? అని ఇమ్మాన్యుయేల్‌ని అడగగా,.. నామినేషన్‌లో రీతూ-సంజన మధ్య జరిగిన గొడవ నన్ను, హౌస్‌లోని అందరినీ బాగా డిస్టర్బ్ చేసింది అని ఇమ్మూ చెప్పాడు. సుమన్ శెట్టి కూడా దానికి మద్దతు ఇచ్చారు. ఒక అమ్మాయిపై నింద వేయడమంటే.. ఆమెను బ్లేమ్ చేస్తున్నట్టే కదా సార్ అని తన అభిప్రాయాన్ని బలంగా చెప్పాడు.
సంజనకు గట్టి వార్నింగ్
తన కామెంట్స్‌పై సంజన వివరణ ఇచ్చుకునే ప్రయత్నం చేసింది. వారిద్దరూ పక్కపక్కన కూర్చోవడం నాకు అన్‌కంఫర్టబుల్‌గా అనిపించింది. నాకు కనిపించింది, అన్‌కంఫర్టబుల్‌ అనిపించింది చెప్పడంలో తప్పు ఎందుకు ఉంటుంది సార్ అని సంజన తనను తాను సమర్థించుకుంది. దీనిపై నాగార్జున ఆగ్రహం వ్యక్తం చేస్తూ, నువ్వు ఫీల్ అయ్యావా? హౌస్ అంతా ఫీల్ అయ్యేలా చేశావా? అంటూ ప్రశ్నించారు. నీకు అనిపించిన దాన్ని పట్టుకుని, తనుజతో వాళ్లిద్దరి రిలేషన్ గురించి ఎందుకు ఆరా తీశావు? వారిద్దరిది ఏంటి అంటూ చర్చ పెట్టావు. హౌస్‌లో అందరికీ అనిపించనిది నీకేందుకు అనిపిస్తుంది? అంటూ సంజనకు గట్టి వార్నింగ్ ఇచ్చారు.
నామినేషన్‌లో సంజన ఒక పర్సనల్ ఎజెండాతో పర్సనల్ అటాక్ చేసిందని, రీతూ-పవన్ రిలేషన్‌ను డిఫైన్ చేసి వారి క్యారెక్టర్‌పై మచ్చ తెచ్చిందని నాగార్జున తీవ్రంగా మందలించారు. ఇది పర్సనల్ అటాక్. బిగ్ బాస్ రూల్స్ బ్రేక్, నిబద్ధతను గాలికి వదిలేసి నీ ఇష్టంగా వ్యవహరించావు అంటూ సంజనపై సీరియస్ అయ్యారు.
ఇబ్బంది అయితే వెళ్లిపోవచ్చు..
చివరికి, నాగార్జున తీసుకున్న నిర్ణయం హౌస్‌లో ప్రకంపనలు సృష్టించింది. వారిద్దరి రిలేషన్ వల్ల నీకు ఇబ్బంది అయితే, నువ్వు హౌస్ నుంచి వెళ్లిపోవచ్చు అంటూ ఏకంగా బిగ్ బాస్‌ని గేట్లు తెరవమని ఆదేశించారు. సంజనని లక్ష్యంగా చేసుకుని గేట్లు తెరవడంతో హౌస్‌లో ఒక్కసారిగా టెన్షన్ వాతావరణం నెలకొంది. నాగార్జున సీరియస్‌నెస్ ఈ వీకెండ్ ఎపిసోడ్‌ను ఫుల్ హీటెక్కించింది. మరి ఈ డ్రామా తరువాత సంజన ఎటువంటి నిర్ణయం తీసుకుంది? ఆమె నిజంగా వెళ్లిపోయిందా? లేదా అనేది తెలుసుకోవాలంటే ఈ రోజు ఎపిసోడ్ లో చూడాల్సిందే.
