- ప్రాజెక్ట్ 26 గేట్ల నుంచి నీటి విడుదల
హాలియా, వెలుగు: శ్రీశైలం ప్రాజెక్ట్ నుంచి నాగార్జునసాగర్ కు 3,42,587 క్యూసెక్కుల వరద వస్తుండగా, అంతే మొత్తంలో దిగువకు వదులుతున్నారు. ప్రాజెక్ట్ మొత్తం 26 గేట్లలో 12 గేట్లను 5 అడుగులు, 14 గేట్లను10 అడుగులు మేర ఎత్తి 2,93,262 క్యూసెక్కుల నీటిని కిందికి విడుదల చేస్తున్నారు.
సాగర్ పూర్తిస్థాయి నీటిమట్టం 590 అడుగులు(312.0450 టీఎంసీలు) కాగా, ప్రస్తుతం 586. 50 అడుగులు(302. 9125 టీఎంసీల) చేరింది. ఎడమకాల్వకు 3,549, కుడి కాల్వకు 9,500, హైదరాబాద్ జంట నగరాల తాగునీటి అవసరాలకు గాను ఏఎమ్మార్పీకి 2400 క్యూసెక్కులు, వరద కాల్వకు 300, విద్యుత్ఉత్పత్తికి 32, 886 క్యూసెక్కుల చొప్పున దిగువకు విడుదల చేస్తున్నారు.
