నాగర్ కర్నూల్, వెలుగు: ఈ నెల 26న ఢిల్లీలో నిర్వహించే రిపబ్లిక్ డే పరేడ్లో పాల్గొనేందుకు రాష్ట్రం నుంచి ఎంపిక చేసిన 30 మంది ఒగ్గు కళాకారుల బృందంలో పాలమూరు జిల్లాకు చెందిన పీజీ విద్యార్థి కొల్లూరు శివరాజుకు చోటు దక్కింది.
జడ్చర్ల మండలం కుచ్చరకల్ కు చెందిన శివరాజు కొల్లాపూర్ పీజీ కాలేజీలో ఎంఏ సెకండియర్ చదువుతున్నాడు. గతంలో ఐపీఎల్, గోల్కోండ కోటపై నిర్వహించిన స్వాతంత్ర్య వేడుకలతోపాటు దాదాపు 30 వరకు ప్రదర్శనలు ఇచ్చినట్లు తెలిపాడు.
