కూకట్పల్లి, వెలుగు: కూకట్పల్లిలోని నాలాను ఆక్రమించి వెలసిన అక్రమ నిర్మాణాలను శుక్రవారం ఉదయం హైడ్రా అధికారులు తొలగించారు. ఐడీఎల్ చెరువు నుంచి హబీబ్నగర్ మీదుగా కూకట్పల్లి బస్డిపో నుంచి బాలానగర్ వైపు ప్రవహిస్తున్న నాలా ఆక్రమణకు గురైంది. దీంతో వర్షాకాలంలో బస్తీలు, కాలనీలు ముంపునకు గురవుతున్నాయని స్థానికులు హైడ్రా కమిషనర్ రంగనాథ్ దృష్టికి తీసుకెళ్లారు. ఐడీఎల్ చెరువు నుంచి కూకట్పల్లి బస్ డిపో వరకు నాలాకు ఇరువైపులా పలువురు ప్రహరీలు నిర్మించగా వాటిని హైడ్రా కూల్చేసింది. ఏడు అడుగుల నాలా మూడు అడుగులకు కుచించుకుపోగా.. తిరిగి యథాస్థితికి తీసుకొస్తామని హైడ్రా అధికారులు తెలిపారు.
