ఖైరతాబాద్, వెలుగు: కాంగ్రెస్ ప్రభుత్వంతోనే సమాచార హక్కు చట్టం సాధ్యమైందని సమాచార హక్కు చట్టం ఉమ్మడి ఏపీ మాజీ కమిషనర్‌ వర్రె వెంకటేశ్వర్లు చెప్పారు. భారతదేశానికి గాంధీ కుటుంబం చేసిన త్యాగం మరువలేనిదన్నారు. సమాచార హక్కు సాధన సమితి ఆధ్వర్యంలో శనివారం సోమాజిగూడ ప్రెస్క్లబ్లో ‘సమాచార హక్కు చట్టం అమలవుతున్నతీరు – ఎదురవుతున్న సవాళ్లు – పరిష్కార మార్గాలు’ అనే అంశంపై సదస్సు నిర్వహించారు. సంస్థ రాష్ట్ర అధ్యక్షుడు గాదెపాక మధుకుమార్ అధ్యక్షత వహించారు. ఈ సందర్భంగా వర్రె వెంకటేశ్వర్లు మాట్లాడుతూ.. లోక్సభ ఎన్నికల్లో ఇండియా కూటమి గెలుపు చారిత్రాత్మక అవసరమన్నారు. ఆర్టీఐ కార్యకర్తలు, విద్యావంతులు, మేధావులు ఏకమై కూటమిని గెలిపించుకోవాలని పిలుపునిచ్చారు. రాహుల్ గాంధీ విజన్ ను ముందుకు తీసుకెళ్లేలా రాష్ట్ర ప్రభుత్వ పాలన ఉందన్నారు. సీఎం రేవంత్నాయకత్వంలో ఎక్కువ లోక్సభ సీట్లు గెలవాలని ఆకాంక్షించారు. అన్ని వర్గాల భాగస్వామ్యంతో కమిషన్సభ్యులను నియమించి, ఆర్టీఐ కేసుల సత్వర పరిష్కారానికి సీఎం రేవంత్చొరవ చూపాలని కోరారు. సదస్సులో ఎన్నికల నిఘా వేదిక కన్వీనర్ డాక్టర్.వి.వి.రావు, ఉభయ రాష్ట్రాల మాజీ చీఫ్ఇంజనీర్ఎమ్ఏ కరీమ్, ఆర్టీఐ కార్యకర్తలు పిట్టల యాదయ్య, పెరక అభిలాష్, నజీర్, లుక్మాన్, వంగాల మల్లేశ్, చోడే మహేందర్తదితరులు పాల్గొన్నారు.
