ప్రముఖ ఒటిటి స్ట్రీమింగ్ ఫ్లాట్ ఫార్మ్ నెట్ఫ్లిక్స్ (Netflix) మొబైల్ యూజర్ల కోసం ఒక కొత్త ఫీచర్ టెస్ట్ చేస్తోంది. ఈ కొత్త ఫీచర్ ఏంటంటే ఇప్పుడు మీ స్మార్ట్ఫోన్లలో స్క్రోల్ చేస్తూ షోలు, సినిమాల చిన్న చిన్న వీడియో క్లిప్లు చూడవచ్చు. ఒక విధంగా ఈ ఫీచర్ ఇన్స్టాగ్రామ్ రీల్స్ లేదా టిక్టాక్లో వీడియోల్లాగే ఉంటుంది.
అయితే ఈ వీడియోస్లో నెట్ఫ్లిక్స్ ఒరిజినల్ కంటెంట్ క్లిప్స్, ఇంట్రెస్టింగ్ సినిమాల వీడియోస్ చిన్న క్లిప్లుగా చూపిస్తుంది. యూజర్లు వాటిని స్క్రోల్ చేస్తూ చూడొచ్చు. ఏదైనా ఒక క్లిప్ నచ్చితే ఆ షో లేదా సినిమా మొత్తం చూడొచ్చు. సాధారణంగా చాల మంది నెట్ఫ్లిక్స్లో ఏం చూడాలో తెలియక చాలా టైం తీసుకుంటారు. ఆ టైం తగ్గించడమే ఈ ఫీచర్ ఉద్దేశం. వేరే యాప్లలో ట్రైలర్లు చూసే బదులు నెట్ఫ్లిక్స్ యాప్లోనే ట్రైలర్ లాంటి క్లిప్లను చూడొచ్చు.
నెట్ఫ్లిక్స్ అధికారి (CTO) ఎలిజబెత్ స్టోన్ మాట్లాడుతూ ఈ ఫీచర్ ద్వారా టిక్టాక్ ని కాపీ చేయడం లేదని స్పష్టం చేశారు. మా ఆలోచన మొత్తం యూజర్లకు అందించే కంటెంట్ సులభంగా పరిచయం చేయడంపైనే ఉందని చెప్పారు. ఇక్కడ కనిపించే కంటెంట్ యూజర్స్ సొంతంగా క్రియేట్ (User-Generated) చేసిన వీడియోలు కాదని, నెట్ఫ్లిక్స్లో ఇప్పటికే ఉన్న సొంత షోలు, సినిమాల నుండి తీసుకున్న అఫీషియల్ క్లిప్లు మాత్రమే ఉంటాయని తెమిలింది. ఈ ఫీచర్ నెట్ఫ్లిక్స్ యాప్ లో సినిమాలు/షోలు/ వెబ్ సిరీస్ కోసం బ్రౌజ్ చేసేటప్పుడు యూజర్లు యాప్ నుండి బయటికి వెళ్లకుండా ఎక్కువ సమయం నెట్ఫ్లిక్స్లోనే ఉండేలా చేస్తుంది అన్నారు.
ఇంకా బయటి మార్కెటింగ్ అవసరం లేకుండా, యాప్లోనే షోలు/సినిమాల గురించి ప్రచారం చేసుకునేందుకు ఉపయోగపడుతుంది. ప్రస్తుతం ఈ ఫీచర్ ఇంకా టెస్టింగ్ దశలోనే ఉంది. 2026 నాటికి మరిన్ని పరీక్షలు జరిగాక, దీన్ని అందరికీ అందుబాటులోకి తేవాలా వద్దా అనే నిర్ణయం తీసుకుంటామని తెలిపారు.
