పిట్లం, వెలుగు: మార్చి నెలాఖరుకు పిట్లంలో కొత్తగా నిర్మిస్తున్న సీహెచ్సీని ప్రారంభిస్తామని ఎమ్మెల్యే తోట లక్ష్మీకాంతారావు తెలిపారు. శనివారం జిల్లా వైద్యాధికారులతో కలిసి హాస్పిటల్ను పరిశీలించారు. అనంతరం మాట్లాడుతూ మంత్రి దామోదర రాజనర్సింహ చేతుల మీదుగా హాస్పిటల్ను ప్రారంభిస్తామని పేర్కొన్నారు.
కొత్తగా నిర్మించిన భవనంలో రోగులకు అవసరమయ్యే అన్ని ఏర్పాట్లు చేశామని చెప్పారు. పిట్లం పరిసరాల ప్రజలకు నాణ్యమైన వైద్య సేవలు అందించాలనే ఉద్దేశ్యంతో హాస్పిటల్ ను నిర్మించినట్లు తెలిపారు.
