బిగ్‌బాస్‌ సీజన్ 7(Bigg boss seeson7)లో శనివారం రోజు జరిగిన ఎపిసోడ్‌లో విశ్వరూపం చూపించాడు హోస్ట్ నాగార్జున(Nagarjuna). వీడియో ప్రూఫ్స్ చూపిస్తూ ఒక్కొక్కరిని కడిగిపారేసాడు. దీంతో హౌస్‌లో వాతావరణం మొత్తం ఒక్కసారి సీరియస్‌ గా మారింది. ఆడియన్స్ కూడా ఈ ఎపిసోడ్ ను చాలా ఎంజాయ్ చేశారు.
ఈ హీట్ ఇంకా కొనసాగుతుండగానే.. సండే ఫన్ డే తో రెడీ అయిపోయాడు నాగార్జున. దీనికి సంబందించిన ప్రోమో కూడా వచ్చేసింది. ఇక ప్రోమో చివర్లో ఓ సర్‌ప్రైజ్‌ అంటూ షాకిచ్చాడు నాగ్. ఇప్పటివరకు ఎప్పుడూ, ఎక్కడా జరగనటువంటి విషయాలు జరగబోతున్నాయి. ఈ సీజన్ ఉల్టా పుల్టా అనే విషయం గుర్తుంచుకోండి అంటూ చెప్పుకొచ్చాడు నాగార్జున. దీంతో ఆ ట్విస్ట్ ఏమైఉంటుంది అని బుర్రలు బద్దలుకొట్టుకుంటున్నారు ఆడియన్స్.
అయితే.. నాగార్జున స్పెషల్ గా మెన్షన్ చేసిన ఆ సర్‌ప్రైజ్‌ ఏంటంటే.. మరో వారం రోజుల్లో బిగ్‌బాస్‌ 7లో రెండో లాంచ్‌ జరుగనుందట. అంటే.. మరికొంతమంది కంటెస్టెంట్లు హౌస్‌లోకి ఎంట్రీ ఇవ్వనున్నారని. అందులో.. భోలె షావళి, అంజలి పవన్‌, పూజా మూర్తి, నయని పావని, అంబటి అర్జున్‌ ఉండనున్నారని సమాచారం.
ఇక ఈ సీజన్ మొదలై దాదాపు నెల రోజులు గడుస్తోంది. ఈ సమయంలో కొత్త కంటెస్టెంట్లను హౌస్‌లోకి పంపడడాన్ని ఆడియన్స్ ఎలా తీసుకుంటారు? కొత్త కంటెస్టెంట్లు ఇంట్లోవారితో ఎలా కలిసిపోతారా? అనేది ఇప్పుడు ఆసక్తికరంగా మారింది. మరి బిగ్ బాస్ తీసుకున్న ఈ నిర్ణయంపై ఆడియన్స్ ఎలా రియాక్ట్ అవుతారనేది రానున్న రోజుల్లో తెలియనుంది.
