ఆదిపురుష్ టీమ్ మరో థ్రిల్లింగ్ కాన్సెప్ట్ ను ఆడియన్స్ ముందుకు తీసుకొచ్చారు. హిందువులకు హనుమంతుడు అంటే ఎంత నమ్మకమో ప్రత్యేకంగా చెప్పాల్సిన పనిలేదు. ఎప్పుడు భయమేసిన, ధైర్యాన్ని కోల్పోయినా ఆంజనేయ శ్లోకమే చదువుతారు. ఆ నమ్మకంతోనే ఆదిపురుష్ ప్రదర్శించే థియేటర్ లో ఒక సీట్ ను హనుమంతునికి కేటాయించాలని మేకర్స్ నిర్ణయం తీసుకున్నారు.
Also Read:రాష్ట్రం వచ్చాకే కోతల్లేని కరెంట్
”రామాయణ పారాయణం జరిగే ప్రతిచోటకి హనుమంతుడు ఉంటాడనేది భారతీయుల నమ్మకం. ఈ నమ్మకాన్ని గౌరవిస్తూ.. ప్రభాస్ రాముడిగా నటించిన ‘ఆదిపురుష్’ సినిమా టెలికాస్ట్ అవనున్న ప్రతి థియేటర్లో ఒక సీటును హనుమంతుడి కోసం ప్రత్యేకంగా కేటాయించనున్నారు. చరిత్రలో కనీ వినీ ఎరుగని విధంగా ఈ గొప్ప కార్యానికి శ్రీకారం చుట్టాం ఆదిపురుష్ మేకర్స్. ప్రతిష్టాత్మకంగా అత్యంత భారీగా రానున్న “ఆదిపురుష్” సినిమాను హనుమంతుడి సమక్షంలో వీక్షిద్దాం” అని చెప్పుకొచ్చారు. ప్రస్తుతం ఈ పోస్ట్ నెట్టింట వైరల్ గా మారింది.
