ఎవల్ని పలుకరించిన గిదే మాట. గిదే పాట. పక్కింటోళ్లు, ఎదురింటోళ్లే కాదు.. పక్కూరోళ్లు ఫోన్లో.. పరదేశపోళ్లు వాట్సాప్లో ‘విష్ యూ హ్యాపీ న్యూ ఇయర్’ అని విషెస్ చెబుతున్నరు. ‘థాంక్యూ.. సేమ్ టూ యూ’ అని నచ్చినోళ్లు చెబుతున్నరు.
‘గీ న్యూ ఇయర్ ఏంది?’ అనేటోళ్లు గూడ.. అరె ఏదయితే ఏందిర బై.. మనిషిని మనిషి పలుకరించుకొనుడుకి మించిన మంచేముందని ‘సేమ్ టూ యూ’ అంటూ సెలబ్రేట్ చేసుకుంటున్నరు. న్యూ ఇయర్ సెలబ్రేషన్స్ జరుపుకునేది జీవితం కొత్తగా ఉండాలని కాదు. జీవితంలో ఆనందాన్ని కొత్తగా నింపుకోవాలని..!
నిన్నటి తొవ్వలెక్కే రేపూ ఉంటది. పల్లంలో అవకాశాల్ని అందిపుచ్చుకున్నట్టే, ఎగుడు దారిలో ఏమాత్రం తడబడకుండ సాగిపోవాలంటే ప్లానింగ్ ఉండాలె.
ఫస్ట్ డే ఫర్ ప్లానింగ్..
బై బర్త్ స్కిల్సే కాదు లెర్నింగ్ లైఫ్ స్కిల్స్ని పర్ఫెక్ట్గా వాడుకుంటేనే సక్సెస్. శక్తికి మించని టార్గెట్తో శక్తివంచన లేకుండా ట్రై చేయమని చెప్పేటిదే (జనవరి) ఫస్ట్ రెజల్యూషన్. దాన్ని ఫాలో కావడమే కొత్త ఏడాది కర్తవ్యం. ఆ ప్లానింగ్తో మీ ప్రయాణం మొదలుపెట్టమని చెప్పేదే ఈ సెలబ్రేషన్.
హ్యాపీ లైఫ్ కోసం ముందడుగేసే లాంగ్ మార్చ్కి గ్రాండ్ లాంచింగ్ ఈ రోజు. ఏడాదంతా తడబడకుండా ఇట్లనే సాగిపోవాలని ప్లాన్ చేసుకోవాలని చెప్పే గట్టి హెచ్చరిక.. పటాకుల మోత. సూర్యోదయానికి ముందే వెలిగే దీపాల కాంతులు చెప్పేదొక్కటే. లైఫ్ని ఆనందాలతో వెలిగించాలంటే మనలోని చీకటి (లోపాలు) పారదోలాలె. సూర్యోదయానికి ముందు చీకట్లను వెలిగించే దీపపు కాంతులు చెప్పేదదే. ఈ ఏడాదంతా జీవితాన్ని వెలిగిద్దాం. ఆనందాలు పండిద్దాం! అందరికీ హ్యాపీ న్యూ ఇయర్.
