- ఓపెన్ మార్కెట్ సేల్ స్కీమ్ ద్వారా పంపిణీ
న్యూఢిల్లీ: కరోనా కష్ట కాలంలో పేదలకు ఆహారం అందజేయడంలో ఎన్జీఓలు, చారిటబుల్ ట్రస్టులు కీలక పాత్ర పోషిస్తున్నాయని కన్జ్యూమర్ అఫైర్స్, ఫుడ్ అండ్ పబ్లిక్ డిస్ట్రిబ్యూషన్ మినిస్ట్రీ తెలిపింది. లాక్ డౌన్ కారణంగా ఇబ్బందులు ఎదుర్కొంటున్న పేదలను ఆదుకుంటున్నాయని అభినందించింది. ఈ నేపథ్యంలో ఎన్జీఓలు, చారిటబుల్ ట్రస్టులకు ఫుడ్ గ్రెయిన్స్ పంపిణీలో ఎలాంటి అవాంతరాలు ఏర్పడకుండా నిర్ణయం తీసుకుంది. వీటికి ఈ–అక్షన్ ద్వారా కాకుండా ఓపెన్ మార్కెట్ సేల్ స్కీమ్ (ఓఎంఎస్ఎస్) కింద ఫుడ్ గ్రెయిన్స్ అందజేయాలని ఫుడ్ కార్పొరేషన్ ఆఫ్ ఇండియా (ఎఫ్ సీఐ)ను ఆదేశించింది. ఎఫ్సీఐ స్టేట్ గవర్నమెంట్స్, రిజిస్టర్డ్ యూజర్లకు మాత్రమే ఓఎంఎస్ఎస్ ద్వారా ఫుడ్ గ్రెయిన్స్ పంపిణీ చేస్తుంది. అయితే కరోనా ఎమర్జెన్సీ టైమ్ లో ఎన్జీఓలు, చారిటబుల్ ట్రస్టులు గొప్పగా పని చేస్తున్నాయని, అందుకే ఈ నిర్ణయం తీసుకున్నామని ఫుడ్ మినిస్ట్రీ తెలిపింది.
