మద్యం మత్తులో అర్థరాత్రి వరకు బారులో డ్యాన్స్ చేశారు. డ్యాన్స్ చేస్తూ అడ్డు వచ్చిన వారిపై బీర్ బాటిళ్లతో దాడికి పాల్పడ్డారు కొందరు యువకులు. ఈ ఘటన నిజామాబాద్ జిల్లా కేంద్రంలో చోటు చేసుకుంది.
నిజామాబాద్ పట్టణంలోని ఓ బారు.. డ్యాన్స్ క్లబ్ గా మారింది. కొత్త కలెక్టర్ కార్యాలయానికి కూత వేటు దూరంలో ఈ బారు ఏర్పాటు చేశారు. బారు పేరుతో పబ్ కల్చర్ కు తెరలేపారు. అర్థరాత్రి వరకు ఫుల్లుగా తాగి మద్యం మత్తులో యువకులు డ్యాన్స్ చేస్తూ.. గొడవకు దిగారు. ఆ తర్వాత బీరు బాటిళ్లతో రెచ్చిపోయారు. సమాచారం అందుకున్న పోలీసులు యువకులను అదుపులోకి తీసుకున్నారు. వారి కేసు నమోదు చేసి దర్యాప్తు చేపట్టారు.
