- లక్షల్లో ప్లాట్ల రిజిస్ర్టేషన్లు పెండింగ్.. ప్రభుత్వానికి తగ్గిన ఆదాయం
- జీవో 257పై నిర్ణయంపైనా ఎలాంటి తీసుకోని రాష్ట్ర సర్కార్
- ఇబ్బందుల్లో రియల్టర్లు, కస్టమర్లు
- పర్మిషన్ ఇస్తే రిజిస్ర్టేషన్లు, ఎల్ఆర్ఎస్ ద్వారా భారీగా ఇన్కమ్
మంచిర్యాల, వెలుగు : బీఆర్ఎస్సర్కారు తెచ్చిన జీవో 257 ప్రకారం పంచాయతీ, మున్సిపల్ పరిధిలోని నాన్లే ఔట్లలో ప్లాట్ల రిజిస్ర్టేషన్లు ఐదేండ్లుగా కావడంలేదు. రాష్ట్ర వ్యాప్తంగా లక్షల సంఖ్యలో రిజిస్ర్టేషన్లు పెండింగ్లో ఉండగా సర్కార్ కు వచ్చే కూడా ఆదాయం పడిపోయింది. నాన్లే ఔట్లు చేసిన రియల్టర్లు, ప్లాట్లు కొనుగోలు చేసిన కస్టమర్లు ఇబ్బందులు పడుతున్నారు.
కొత్తగా రియల్ఎస్టేట్వెంచర్చేయాలంటే ముందుగా డీటీసీపీ పర్మిషన్తీసుకోవాలి. వెంచర్లో 10 శాతం భూమిని పార్కులు, స్కూళ్లు, టెంపుల్స్వంటి సామాజిక అవసరాలకు కేటాయిస్తూ సంబంధిత పంచాయతీ, మున్సిపాలిటీకి రిజిస్ర్టేషన్ చేయించాలి. 30 నుంచి 40 ఫీట్ల వెడల్పుతో బ్లాక్టాప్రోడ్లు వేయడంతో పాటు డ్రైనేజీలు నిర్మించడంతో పాటు కరెంట్లైన్లు, వాటర్పైపులైన్లు వేయాలి. ఇదంతా ఖర్చుతో కూడుకోవడంతో చాలామంది రియల్టర్లు డీటీసీపీ పర్మిషన్లు లేకుండానే పంచాయతీ, మున్సిపల్ పరిధిలో లేఔట్ల పేరిట వెంచర్లు వేశారు.
రిజిస్ర్టేషన్లకు సబ్రిజిస్ర్టార్లు డాక్యుమెంట్కు ఇంత రేటు కట్టి తీసుకుని పని కానిచ్చేశారు. అయితే.. గత సర్కారు కొత్త పంచాయతీ, మున్సిపల్చట్టాల ద్వారా నాన్లేఔట్లకు చెక్ పెట్టింది. ఇందుకు 2020 ఆగస్టు 26న జీవో 257 జారీ చేసింది. దీంతో పలువురు రియల్టర్లు హైకోర్టును ఆశ్రయించారు. జీవో 257 చట్టవిరుద్ధమంటూ హై కోర్టు రద్దు చేసింది. దీనిపై అప్పటి సర్కార్ సుప్రీంకోర్టుకు వెళ్లి స్టే తీసుకొచ్చింది. దీంతో నాన్లేఔట్లలో రిజిస్ర్టేషన్ల కథ మళ్లీ మొదటికొచ్చింది.
2020కి ముందు వాటికి పర్మిషన్
2020, ఆగస్టు 26కు ముందు నాన్లేఔట్లలో 10 శాతం రిజిస్ర్టేషన్లు పూర్తయిన వెంచర్లలో ఎల్ఆర్ఎస్ద్వారా చేసుకునేందుకు రాష్ట్ర ప్రభుత్వం పర్మిషన్ఇచ్చింది. అయితే..10 శాతం రిజిస్ర్టేషన్లు పూర్తి కాని వెంచర్లతో పాటు, ఆ తర్వాత కొత్తగా చేసిన వెంచర్లలోనూ ఐదేండ్లుగా రిజిస్ర్టేషన్లు కావడం లేదు. దీంతో వెంచర్లు చేసిన రియల్టర్లు, ప్లాట్లు కొన్నవారు, అడ్వాన్సులు కట్టినవారు తీవ్ర ఇబ్బందులు పడుతున్నారు.
సమస్యపై తెలంగాణ రియల్ఎస్టేట్అసోసియేన్ ప్రతినిధులు ఇప్పటికే పలుమార్లు రాష్ట్ర రెవెన్యూ మంత్రి పొంగులేటి శ్రీనివాస్రెడ్డిని కలిసి జీవో 257పై నిర్ణయం తీసుకోవాలని కోరారు. కానీ, సర్కారు నుంచి ఎలాంటి రెస్పాన్స్లేకపోవడంతో ఏం చేయలేని పరిస్థితి నెలకొంది. 2020, ఆగస్టు 26 తర్వాత చేసిన కొత్త నాన్లేఔట్లపై కూడా ఏదో ఒక కటాఫ్డేట్ప్రకటించి ఎల్ఆర్ఎస్ద్వారా రిజిస్ర్టేషన్లకు చాన్స్ కల్పించాలి. దీంతో స్టాంప్డ్యూటీ, ఎల్ఆర్ఎస్, పర్మిషన్చార్జీలుగా రాష్ట్ర ప్రభుత్వానికి వేల కోట్ల ఆదాయం సమకూరనుంది. తద్వారా రియల్టర్లు, కస్టమర్లకు ఊరట కలగనుంది.
ఎల్ఆర్ఎస్ కు చాన్స్ ఇవ్వాలి
పంచాయతీ లే ఔట్లలో రిజిస్ర్టేషన్లు నిలిచిపోవడంతో రియల్టర్లు, కస్టమర్లు ఇబ్బందులు పడుతున్నారు. ఈ సమస్యపై ఇప్పటికే ప్రస్తుత ప్రభుత్వం దృష్టికి పలుమార్లు తీసుకెళ్లినా ఎలాంటి నిర్ణయం తీసుకోవడంలేదు. 2020 సంవత్సరానికి ముందున్న వెంచర్లతో పాటు ఆ తర్వాత ఏర్పాటైన నాన్లేఔట్లలో ఎల్ఆర్ఎస్ద్వారా ప్లాట్ల రిజిస్ర్టేషన్లకు చాన్స్ ఇవ్వాలి.
- వూడెం వెంకటస్వామి, మంచిర్యాల రియల్టర్స్అసోసియేషన్ ప్రెసిడెంట్–
