న్యూఢిల్లీ: నేషనల్ స్టాక్ ఎక్స్ఛేంజ్ (ఎన్ఎస్ఈ) మెగా ఐపీఓ ముహూర్తం ఖరారైంది. ఒక్కో ఈక్విటీ షేరు ధరను రూ.1,700 నుంచి రూ.1,785గా నిర్ణయిస్తూ ప్రైస్ బ్యాండ్ను శుక్రవారం ఈ సంస్థ ప్రకటించింది. ఎన్ఎస్ఈ పబ్లిక్ ఇష్యూ సెప్టెంబర్ 17న ప్రారంభమై, సెప్టెంబర్ 21న ముగుస్తుంది. యాంకర్ ఇన్వెస్టర్ల కోసం సెప్టెంబర్ 16న ఓపెన్లో ఉంటుంది. సెప్టెంబర్ 24న బీఎస్ఈలో షేర్లు లిస్ట్ కానున్నాయి. గరిష్ఠ ధర వద్ద ఈ ఐపీఓ విలువ రూ.22,569 కోట్లు.
గతంలో వచ్చిన హ్యుండాయ్ మోటార్స్ (రూ.27,870 కోట్లు) తర్వాత రెండో అతిపెద్ద ఐపీఓగా నిలవనుంది. ప్రస్తుత వాటాదారులు 12.64 కోట్ల షేర్లను విక్రయిస్తున్నారు. గతంలో 14.9 కోట్లుగా అనుకున్నారు. కానీ, దీనిని తగ్గించారు. ఈ ఐపీఓ పూర్తిగా ఆఫర్ ఫర్ సేల్ కావడంతో వచ్చే నిధులు వాటాదారులకే వెళ్తాయి. ఎన్ఎస్ఈకి ఏమీ రావు. ఎస్బీఐ, బీఓబీ, తదితర సంస్థలు తమ వాటాల్లో కొంత అమ్మనున్నాయి.
