- స్పెషల్ డిప్యూటీ కలెక్టర్ పైన ఉద్యోగుల మండిపాటు
- చెప్పాపెట్టకుండా సెలవుపై వెళ్లాడని ఆగ్రహం
- ఆలస్యంగా నల్గొండ ఆర్డీఓకు ఇన్చార్జి బాధ్యతలు
నల్గొండ, వెలుగు : జిల్లా కేంద్రంలోని ఎలిమినేటి మాదవరెడ్డి ప్రాజెక్టు ఆఫీసులో అధికారులు ఇష్టారాజ్యంగా వ్యవహరిస్తున్నారు. యూనిట్2లో స్పెషల్ డిప్యూటీ కలెక్టర్పనితీరు పైన ఉద్యోగులు మండిపడుతున్నారు. చెప్పాపెట్టకుండా సెలవుపై వెళ్లడమే కాకుండా, ఉద్యోగుల జీతాల విష యంలో కక్షపూరితంగా వ్యవహరించారని ఆరోపిస్తున్నారు. వివరాల్లోకి వెళితే... ఏఎమ్మార్పీ స్పెషల్ కలెక్టర్(పులిచింతల) పరిధిలో రెండు యూనిట్లు ఉన్నాయి. యూనిట్-2కు ఆయనే స్పెషల్ డిప్యూటీ కలెక్టర్గా బాధ్యతలు నిర్వహిస్తున్నాడు. అయితే కొంత కాలంగా ఆయన యూనిట్-2 ఆఫీసుకు రావడం లేదు. ఉద్యోగులు ఆరా తీస్తే ఫిబ్రవరి 10 వరకు సెలవుల్లో ఉన్నాడని తెలిసింది. ఈ సెలవుల ఆర్డర్ కాపీ సీసీఎల్ఏ నుంచి కలెక్టర్కు జనవరి చివరి వారంలో చేరింది. అప్పటి వరకు ఈ విషయం బయటకు చెప్పకుండా గుట్టుగా ఉంచారు. దీంతో యూనిట్-2లో జీతాల బిల్లుల కోసం ఎదురుచూస్తున్న ఉద్యోగులు తమ అధికారి కనిపించడం లేదనే విషయాన్ని జిల్లా అధికారులకు ఫిర్యాదు చేశారు. ఆయన సెలవులో వెళ్లడంతో.. నల్గొండ ఆర్డీఓను ఇన్చార్జిగా నియమించారనే విషయం ఉద్యోగులకు ఆలస్యంగా తె లిసింది. ప్రతి నెలా 25 లోపే జీతాల బిల్లులు రావాల్సి ఉండగా.. అధికారి సెలవులో ఉండటం తోపాటు, ఇన్చార్జికి బాధ్యతలు లేట్గా అప్పగించడంతో జనవరి జీతాలు రాలేదు. కానీ, సదరు అధికారి అధికారి జనవరి 19న పులిచింతల యూనిట్ ఉద్యోగుల జీతాల బిల్లులు పాస్ చేశారు. ఒక యూనిట్ ఉద్యోగులకు బిల్లులు పాస్ చేసి, మరో యూనిట్ ఉద్యోగులను పట్టించుకోవడం లేదని ఉద్యోగ సంఘాలు మండిపడుతున్నాయి. ప్రస్తుతం జిల్లాలో భూసేకరణ, ల్యాండ్ సర్వే, పునరావాస ప్యాకేజీ కార్యక్ర మాలకు సంబంధించిన పనులేవీ జరగడం లేదు. దీంతో యూనిట్లో తహసీల్దార్ కేడర్ కలిగిన అధికారులు ఖాళీగా ఉండాల్సిన పరిస్థితి ఏర్పడింది. ఇదే డిపార్ట్మెంట్లో అవుట్ సోర్సింగ్ కింద 15 మందికి పైగా పనిచే స్తున్నారు. అవుట్సోర్సింగ్ ఉద్యోగులు, ఇతర స్టాఫ్ జీతాలు అందక ఇబ్బంది పడుతున్నారు. మరోవైపు దీనికి అనుసంధానంగా పనిచేస్తున్న ల్యాండ్ సర్వే రికార్డ్స్ డిపార్ట్మెంట్స్లో కూడా డిప్యూటీ ఇన్స్పెక్టర్ స్థాయి కలిగిన అధికారులకు కూడా ఇప్పుడు చేసే పనేమీ లేకపోవడంతో తాము ఖాళీగా కూర్చోవాల్సి వస్తుందని కృష్ణ అనే అధికారి ఇటీవలే రీజనల్ డి ప్యూటీ డైరెక్టర్ను కలిసి ఫిర్యాదు చేశారు.
ఆర్డర్లు ఆలస్యంగా వచ్చాయి..
స్పెషల్ డిప్యూటీ కలెక్టర్, పులిచింతల ఎస్డీసీ ఆర్డర్లు ఆలస్యంగా వచ్చాయి. ఆ సమాచారం నాకు చెప్పలేదు. యూనిట్ 2 ఉద్యోగులు జీతాలు ఆగిపోయాయని నా దృష్టికి తెచ్చారు. మళ్లీ ఫిబ్రవరి 5 తర్వాతే బిల్లులు పంపే వీలుంది. పులిచింతల ఉద్యోగుల జీతాలు వచ్చాయి. వాళ్లు ముందుగానే అప్పటి అధికారితో సంతకాలు పెట్టుకున్నట్టు తెలిసింది.
- జయశ్చంద్రా రెడ్డి, నల్గొండ ఆర్డీఓ
