న్యూఢిల్లీ: వెస్ట్ బెంగాల్లో జరగనున్న అసెంబ్లీ ఎలక్షన్స్‌‌‌‌‌‌పై ప్రముఖ ఎన్నికల వ్యూహకర్త ప్రశాంత్ కిషోర్ స్పందించారు. తృణమూల్ కాంగ్రెస్ పార్టీకి ప్రశాంత్ కిషోర్‌‌కు చెందిన ఐ-ప్యాక్ ఎలక్షన్ స్ట్రాటజిస్ట్‌‌గా వ్యవహరిస్తోంది. ఈ నేపథ్యంలో ఈ ఎన్నికల ఫలితాలపై ప్రశాంత్ కిషోర్ వ్యాఖ్యలు హాట్ టాపిక్‌‌గా మారాయి. ఈ ఎన్నికలు ప్రజాస్వామ్యం కోసం జరుగుతున్న యుద్ధమని చెప్పిన ప్రశాంత్ కిషోర్.. బెంగాల్ తమ సొంత కూతురినే కోరుకుంటోందని, ఇతరులను కాదన్న తృణమూల్ నినాదాన్ని ట్వీట్ చేశారు.
‘ప్రజాస్వామ్యం కోసం చేసే యుద్ధాల్లో ఓ కీలక సమరం పశ్చిమ బెంగాల్లో జరగబోతోంది. అందుకు బెంగాల్ ప్రజలు రెడీగా ఉన్నారు. సరైన వారిని ఎంచుకునేందుకు, తమ సందేశాన్ని పంపేందుకు జనాలు సిద్ధంగా ఉన్నారు. బెంగాల్ తమ సొంత కూతురిని మాత్రమే కోరుకుంటోంది. మే 2వ తేదీ వరకు ఈ ట్వీట్‌‌ను గుర్తుంచుకోండి’ అంటూ పీకే పేర్కొన్నారు.
One of the key battles FOR DEMOCRACY in India will be fought in West Bengal, and the people of Bengal are ready with their MESSAGE and determined to show the RIGHT CARD – #BanglaNijerMeyekeiChay
(Bengal Only Wants its Own Daughter)
PS: On 2nd May, hold me to my last tweet. pic.twitter.com/vruk6jVP0X
— Prashant Kishor (@PrashantKishor) February 27, 2021
