భూపాలపల్లి రూరల్/ హసన్పర్తి, వెలుగు: ప్రస్తుత రైతు విత్తన అవసరాలకు అనుగుణంగా నూతన వ్యవసాయ చట్టం ముసాయిదాను ప్రతిపాదిస్తున్నట్లు జయశంకర్ భూపాలపల్లి కలెక్టర్ రాహుల్ శర్మ తెలిపారు. శనివారం ఐడీవోసీ ఆఫీస్ లో కొత్త విత్తన చట్టం 2025 ముసాయిదాపై వ్యవసాయశాఖ ఆధ్వర్యంలో పోలీస్, ఉద్యాన, విత్తన కంపెనీలు, ఇన్ఫుట్ డీలర్లు, రైతుల ఉత్పత్తి సంఘాలు అనుబంధ సంస్థలు, రైతులతో అభిప్రాయ సేకరణ చేపట్టారు.
కార్యక్రమానికి కలెక్టర్ హాజరై కొత్త చట్టంపై రైతులు సలహాలు, సూచనలు అందించాలని సూచించారు. హనుమకొండ జిల్లా హసన్పర్తి మండలం భీమారం రైతువేదికలో జిల్లా వ్యవసాయాధికారి రవీందర్సింగ్ అభిప్రాయ సేకరణ చేపట్టారు.
