టైటిల్ : లస్ట్‌ స్టోరీస్‌2
డైరెక్షన్ : ఆర్. బాల్కి, కొంకణా సేన్ శర్మ, అమిత్ రవీంద్రనాథ్ శర్మ, సుజోయ్ ఘోష్
కాస్ట్ : మృణాల్ ఠాకూర్‌, విజయ్ వర్మ, తమన్నా, కాజోల్, అంజుమన్‌ సక్సేనా, తిలోత్తమ షోమీ, అంగద్‌ బేడి, కుముద్ మిశ్రా, నీనా గుప్త, అమృత సుభాష్
లాంగ్వేజ్ : హిందీ, ప్లాట్ ఫాం : నెట్‌ఫ్లిక్స్‌
పెళ్లికి ముందే.. : వేద (మృణాల్ ఠాకూర్‌), అర్జున్‌ (అంగద్‌ బేడీ) లకు పెండ్లి ఫిక్స్ అవుతుంది. రెండు కుటుంబాలు మాట్లాడుకునేటప్పుడు వేద బామ్మ (నీనా గుప్తా) మధ్యలో కలగజేసుకుని వాళ్లు లైఫ్లాంగ్ హాయిగా ఉండాలంటే.. పెళ్లికి ముందు ఇద్దరూ కలిసి ఉండాలని చెప్తుంది. తర్వాత ఏం జరిగింది? అనేది సిరీస్ చూసి తెలుసుకోవాలి.
పనిమనిషి ఏం చేస్తుంది?: ఇషిత (తిలోత్తమ షోమీ) ముంబయిలో ఉద్యోగం చేస్తుంటుంది. ఒక రోజు తలనొప్పి రావడంతో మధ్యలోనే ఆఫీస్ నుంచి వెళ్లిపోతుంది. ఇంటికి వెళ్లి చూసేసరికి పనిమనిషి సీమ (అమృత సుభాష్) తన భర్తతో ఉంటుంది. అప్పటి నుంచి ఇషిత కొన్నాళ్లు వాళ్లను గమనిస్తుంటుంది. తర్వాత ఏం జరిగిందనేదే మిగతా కథ.
పదేళ్ల కిందటి ప్రేమ: విజయ్ చౌహాన్ (విజయ్ వర్మ) ఒక కంపెనీ సీఈవో. అతని భార్య అనిత (ముక్తి మోహన్) ఇద్దరు పిల్లలతో హాయిగా ఉంటాడు. ఒక రోజు తన లవర్ నిషా (జెన్నీఫర్‌)తో ఫోన్‌లో మాట్లాడుతూ వెళ్తుండగా యాక్సిడెంట్ అవుతుంది. దాంతో కారును అక్కడే వదిలేసి మెకానిక్‌ కోసం పక్కనే ఉన్న ఊళ్లోకి వెళ్తాడు. అక్కడే అతడికి తన మాజీ భార్య శాంతి (తమన్నా) కనిపిస్తుంది. ఆమె పదేండ్ల క్రితం విజయ్తో విడిపోయింది? వాళ్లు విడిపోవడానికి కారణాలేంటి? ఆ తర్వాత ఏం జరిగింది అనేదే కథ.
ఒకటి అనుకుంటే మరోటి: దేవయాని (కాజోల్)కి కొడుకుని ఇంగ్లాండ్ పంపించి చదివించాలని కోరిక. ఆమె భర్త (కుముద్ మిశ్రా) ప్రతి రోజూ తాగొచ్చి గొడవ పడుతుంటాడు. అదే టైంలో వాళ్లింట్లో పని మనిషిని మిశ్రా ఇష్టపడతాడు. ఆ విషయం తెలిసి దేవయాని ఏం చేసింది? అనేదే కథ.
2018లో హిట్ అయిన ‘లస్ట్‌ స్టోరీస్‌’ వెబ్సిరీస్కు సీక్వెల్గా దీన్ని తీసుకొచ్చారు. ఇందులో ముఖ్యంగా నాలుగు పార్ట్స్ ఉన్నాయి. ఒక్కో పార్ట్ని ఒక్కో డైరెక్టర్ తెరకెక్కించారు. ఇందులో రకరకాల మనుషుల్ని చూడొచ్చు. అందరూ బాగానే నటించారు. బలమైన కథలు ఉన్నాయి. కానీ.. వాటిలో లస్ట్‌ కాస్త ఎక్కువైంది. డైరెక్షన్ మీద కూడా ఇంకాస్త దృష్టి పెడితే బాగుండేది.
మోటార్ సౌండ్
టైటిల్ : గుడ్ నైట్
డైరెక్షన్ : వినాయక్ చంద్రశేఖరన్
కాస్ట్ : కె.మణికందన్, మీతా రఘునాథ్, రమేశ్ తిలక్, రేచల్ రెబెక్కా, బాలాజీ శక్తివేల్, లాంగ్వేజ్ : తమిళం, తెలుగు
ప్లాట్ ఫాం : డిస్నీ ప్లస్ హాట్‌స్టార్
మోహన్ (మణికందన్)కు గురక సమస్య ఉంటుంది. అందుకే అతన్ని అందరూ మోటార్ మోహన్ అని పిలుస్తుంటారు. అతని గురక వల్ల వాళ్ల అమ్మ, అక్క, బావ, చెల్లి అందరూ ఇబ్బంది పడుతుంటారు. అలాంటి టైంలో అను (మీరా రఘునాథ్) పరిచయం అవుతుంది. మోహన్‌ని పెళ్లి చేసుకుంటుంది. కానీ.. అతని గురక వల్ల ప్రతి రోజూ ఇబ్బంది పడుతుంటుంది. గురక సమస్య తగ్గించుకునేందుకు మోహన్ ఏం చేశాడు? అది తెలియాలంటే.. సినిమా చూడాల్సిందే.
ఫస్టాఫ్ బాగానే అనిపిస్తుంది. కానీ.. సెకండాఫ్ కాస్త సాగదీసినట్టు ఉంది. మోహన్ రోల్లో మణికందన్ బాగా నటించాడు. అను రోల్లో చేసిన మీరా రఘునాథ్ కూడా మెప్పించింది. కామెడీతోపాటు సెంటిమెంట్ బాగుంది.
ట్రయాంగిల్ లవ్
టైటిల్ : ఇష్క్ నెక్స్ట్ డోర్ సీజన్ 1
డైరెక్షన్ : అఖిలేష్ వాట్స్
కాస్ట్ : అభయ్ మహాజన్, నటాషా భరద్వాజ్, మృణాల్ దత్, గోపీ దేశాయ్, పూరవ్ ఝా
లాంగ్వేజ్ : హిందీ
ప్లాట్ ఫాం : జియో సినిమా
రజత్ విహార్ అనే చిన్న కాలనీలో కథ నడుస్తుంది. ఈ కాలనీలోనే దేవ్ మిశ్రా (అభయ్ మహాజన్), మెహెర్ సిక్కా (నటాషా భరద్వాజ్) ఉంటారు. పక్క పక్కనే ఉన్నా ఇద్దరికీ పరిచయం ఉండదు. కొన్నాళ్లకు ఒకరినొకరు పరిచయం చేసుకుంటారు. ఆ పరిచయం తర్వాత ప్రేమగా మారుతుంది. కానీ.. వాళ్లు ఒకరికొకరు ప్రపోజ్ చేసుకోకముందే మెహెర్ ఎక్స్ బాయ్‌ఫ్రెండ్ అశ్విన్ చౌహాన్ (మృణాల్ దత్) వీళ్ల మధ్యలోకి వస్తాడు. ఆ తర్వాత ఏం జరిగింది?కథ చాలా సాదాసీదాగా ఉన్నా పెద్దగా బోర్ కొట్టించదు. కొన్ని సీన్లు బాగా నవ్వు తెప్పిస్తాయి. లవ్ ట్రాక్ బాగుంది. కానీ.. కొన్ని సీన్లు అనవసరంగా పెట్టారు అనిపించింది.
టైటిల్ : ఇష్క్ నెక్స్ట్ డోర్ సీజన్ 1
డైరెక్షన్ : అఖిలేష్ వాట్స్
కాస్ట్ : అభయ్ మహాజన్, నటాషా భరద్వాజ్, మృణాల్ దత్, గోపీ దేశాయ్, పూరవ్ ఝా
లాంగ్వేజ్ : హిందీ
ప్లాట్ ఫాం : జియో సినిమా
రజత్ విహార్ అనే చిన్న కాలనీలో కథ నడుస్తుంది. ఈ కాలనీలోనే దేవ్ మిశ్రా (అభయ్ మహాజన్), మెహెర్ సిక్కా (నటాషా భరద్వాజ్) ఉంటారు. పక్క పక్కనే ఉన్నా ఇద్దరికీ పరిచయం ఉండదు. కొన్నాళ్లకు ఒకరినొకరు పరిచయం చేసుకుంటారు. ఆ పరిచయం తర్వాత ప్రేమగా మారుతుంది. కానీ.. వాళ్లు ఒకరికొకరు ప్రపోజ్ చేసుకోకముందే మెహెర్ ఎక్స్ బాయ్‌ఫ్రెండ్ అశ్విన్ చౌహాన్ (మృణాల్ దత్) వీళ్ల మధ్యలోకి వస్తాడు. ఆ తర్వాత ఏం జరిగింది?కథ చాలా సాదాసీదాగా ఉన్నా పెద్దగా బోర్ కొట్టించదు. కొన్ని సీన్లు బాగా నవ్వు తెప్పిస్తాయి. లవ్ ట్రాక్ బాగుంది. కానీ.. కొన్ని సీన్లు అనవసరంగా పెట్టారు అనిపించింది.
