మరికల్, వెలుగు: నిరుద్యోగులను బీఆర్ఎస్ ప్రభుత్వం మోసం చేస్తోందని బీసీ ఐక్యవేదిక ఉమ్మడి మహబూబ్నగర్ జిల్లా అధ్యక్షుడు పి రాజు ఆరోపించారు. శుక్రవారం మండల కేంద్రంలో జరిగిన బీసీ నాయకుల సమావేశంలో ఆయన మాట్లాడారు. టీఎస్సీపీఎస్సీని రద్దు చేసి కొత్త కమిషన్ నియమించి నోటిఫికేషన్ విడుదల చేయాలన్నారు. ఇవన్నీ పక్కన పెట్టి ఎమ్మెల్సీల గురించి మాట్లాడడం సరైంది కాదన్నారు.
కేంద్రం తీసుకొచ్చిన మహిళా బిల్లులో ఓబీసీ మహిళలకు ఎన్ని సీట్లు కేటాయించారని ప్రశ్నించారు. ప్రతీ పార్లమెంట్ నియోజకవర్గం పరిధిలో ఇద్దరు బీసీలకు ఎమ్మెల్యేలుగా అవకాశం కల్పిస్తామని చెప్పిన కాంగ్రెస్, ఇపుడు మాట మార్చి బీఆర్ఎస్ కన్నా ఎక్కువ సీట్లు ఇస్తామనడం సరైంది కాదన్నారు. రాష్ట్రంలో 40 ఎమ్మెల్యే సీట్లను కేటాయించాలన్నారు. లింగంగౌడ్, బజారప్ప, కురుమన్న పాల్గొన్నారు.
