కొడంగల్, వెలుగు: సర్పంచ్ ఎన్నికల్లో కాంగ్రెస్ పార్టీ బలపరిచిన అభ్యర్థులను గెలిపించాలని కొడంగల్ ఇన్చార్జ్ తిరుపతిరెడ్డి అన్నారు. శనివారం తన నివాసంలో ఆయన మాట్లాడారు. కార్యకర్తలు కష్టపడి పనిచేసి కాంగ్రెస్ పార్టీ అభ్యర్థులను గెలిపించుకోవాలని పిలుపునిచ్చారు. ఒకే పార్టీ నుంచి ఇద్దరు అభ్యర్థులు పోటీపడితే ఇతర పార్టీలు గెలిచే అవకాశం ఉంటుందన్నారు. గ్రామాల్లో అభ్యర్థులు అందరితో సమన్వయం చేసుకుని గెలుపునకు కృషిచేయాలని సూచించారు. కాంగ్రెస్ పార్టీ అభ్యర్థులు గెలిస్తే సకాలంలో ప్రభుత్వ సంక్షేమ పథకలు అందడం, గ్రామాభివృద్దికి నిధులు అందించడం జరుగుతుందన్నారు.
