‘ది గ్రేట్ ప్రీ వెడ్డింగ్ షో’ సినిమాతో హిట్ అందుకున్న తిరువీర్.. వరుస ఎక్సైటింగ్ ప్రాజెక్ట్స్తో బిజీగా ఉన్నాడు. త్వరలో తన నుంచి రాబోతున్న సినిమా ‘పాపం ప్రతాప్’. పాయల్ రాధాకృష్ణ హీరోయిన్గా నటించిన ఈ చిత్రానికి ఎస్పీ దుర్గా నరేష్ దర్శకత్వం వహించాడు. కృషి ఎంటర్టైన్మెంట్స్ బ్యానర్ పై రాకేష్ రెడ్డి గడ్డం, రుద్రదేవ్ మాదిరెడ్డి నిర్మించారు.
బుధవారం ఈ మూవీ రిలీజ్ డేట్ను అనౌన్స్ చేశారు. సమ్మర్ స్పెషల్గా ఏప్రిల్ 17న థియేటర్స్కు రానుందని చెప్పారు. ఈ సందర్భంగా విడుదల చేసిన పోస్టర్లో తిరువీర్, పాయల్ రాధాకృష్ణ కొత్తజంటగా కనిపించారు. అజయ్ ఘోష్, ప్రసాద్ బెహరా కీలక పాత్రలు పోషిస్తున్నారు. కేఎమ్ రాధా కృష్ణ, సురేష్ బొబ్బిలి సంగీతం అందిస్తున్నారు.
