తమిళ నటుడే అయినా పలు డబ్బింగ్ చిత్రాలతో తెలుగులోనూ మంచి ఇమేజ్ తెచ్చుకున్నాడు శివ కార్తికేయన్. ప్రస్తుతం డిఫరెంట్ స్ర్కిప్ట్‌‌‌‌లు సెలెక్ట్ చేసుకుంటూ వరుస సినిమాల్లో నటిస్తున్నాడు. తను చేస్తున్న క్రేజీ ప్రాజెక్టులో ఒకటి ‘పరాశక్తి’. సుధా కొంగర దర్శకత్వం వహిస్తున్న ఈ చిత్రంలో జయం రవి, అథర్వ, రానా దగ్గుబాటి కీలక పాత్రలు పోషిస్తున్నారు. శ్రీలీల హీరోయిన్‌‌‌‌గా నటిస్తోంది. పొలాచ్చిలో జరుగుతోన్న ఈ మూవీ కీలక షెడ్యూల్‌ పూర్తయింది.
దీంతో దాదాపు షూటింగ్ కంప్లీట్ అయింది. త్వరలోనే ఫైనల్ షెడ్యూల్‌ స్టార్ట్ కానుంది. డాన్ పిక్చర్స్ బ్యానర్‌‌‌‌‌‌‌‌పై ఆకాష్ భాస్కరణ్ ఈ చిత్రాన్ని నిర్మిస్తున్నారు. జీవీ ప్రకాష్ కుమార్ సంగీతం అందిస్తున్నాడు.
పొంగల్ కానుకగా జనవరిలో ఈ సినిమా విడుదల చేయనున్నట్టు ప్రకటించారు. మరోవైపు మురుగదాస్ డైరెక్షన్‌‌‌‌లో ‘మదరాశి’ చిత్రంలో శివ కార్తికేయన్ నటిస్తున్నాడు. సెప్టెంబర్ 5న ఈ చిత్రం ప్రేక్షకుల ముందుకు రాబోతోంది.
