- వీడియో ద్వారా డాక్టర్ కన్సల్టేషన్ తీసుకుంటున్నరు
- క్లినిక్ నుంచి కార్పొరేట్ ఆస్పత్రుల వరకు ఫెసిలిటీ
- అపాయింట్మెంట్ బుకింగ్, స్లాట్స్ కన్ఫర్మ్
“మధురానగర్కు చెందిన శైలజ ప్రైవేట్ ఎంప్లాయ్. కొన్నిరోజులుగా తీవ్రమైన తలనొప్పి, జ్వరం ఉండగా, కరోనా టెస్ట్ కు వెళ్లేందుకు డాక్టర్ను కన్సల్ట్ కావాలనుకుంది. ఆస్పత్రికి వెళ్లకుండా ఆన్లైన్లోనే అపాయింట్మెంట్తీసుకుని వీడియో కన్సల్టేషన్లో డాక్టర్కు తన హెల్త్ ప్రాబ్లమ్స్ చెప్పింది. మైల్డ్ సింప్టమ్స్గా గుర్తించి మెడిసిన్ సూచించారు.”
“కేపీహెచ్బీలో ఉండే 50 ఏండ్ల మహిళ గొంతులో నొప్పి, విరేచనాలు, జ్వరంగా ఉంటే ఫ్యామిలీ మెంబర్స్ ద్వారా ఆన్లైన్లో పల్మనాలజిస్ట్ను కన్సల్ట్ అయ్యింది. తన హెల్త్ ఇష్యూస్ను చెప్పుకుంది. పేషెంట్ను హాస్పిటల్కి తీసుకురమ్మని, లేదంటే ఫ్యామిలీ మెంబర్స్ నైనామెడికల్ రిపోర్ట్స్ తో రావాలని డాక్టర్ సూచించారు. ఆమెకు కావాల్సిన ప్రిస్క్రిప్షన్ ఇచ్చి తగు జాగ్రత్తలు సూచించారు.”
హైదరాబాద్, వెలుగు: ఫీవర్, కోల్డ్, తలనొప్పి.. ఇలా ఏదైనా హెల్త్ప్రాబ్లమ్అనిపించినా ఆస్పత్రికి వెళ్లకుండానే ఆన్లైన్లో డాక్టర్ను కాంటాక్ట్ అయ్యేందుకే చాలా మంది ఇంట్రెస్ట్చూపిస్తున్నారు. ఆన్లైన్ కన్సల్టేషన్ తీసుకునేవారు ఎక్కువైతున్నారు. ఏ మాత్రం హెల్త్ ప్రాబ్లమ్ అనిపించినా వెంటనే డాక్టర్ని కాంటాక్ట్ అవుతున్నారు. జలుబు, దగ్గు, జ్వరాన్ని సీజనల్ ఫ్లూగా చూసిన వారు ఇప్పుడు కరోనా వైరస్ అనుకుని టెన్షన్పడుతున్నారు. క్లినిక్ వెళ్లాలన్నా ఆలోచిస్తూ ఆన్లైన్లోనే వీడియో కన్సల్టేషన్ తీసుకుంటున్నారు.ఇలా ఒక్కో డాక్టర్ వద్ద రోజుకు పదికి పైగా స్లాట్స్ బుక్అవుతున్నాయి. పల్మనాలజిస్ట్లు, జనరల్ ఫిజిషియన్లు, ఇంటర్నల్ మెడిసిన్ డాక్టర్లు యాప్లు, ఆన్లైన్ సైట్లలో అందుబాటులో ఉంటున్నారు. క్లినిక్ నుంచి కార్పొరేట్ఆస్పత్రి డాక్టర్ల వరకు ఈ -పోర్టల్ లో మెడికల్ చెకప్ ఫెసిలిటీ కల్పిస్తున్నారు.
ఆన్లైన్లోనే అన్ని వివరాలు..
వందమంది పేషెంట్లలో దాదాపు 30 మంది వీడియో కన్సల్టెన్సీకే ఇంట్రెస్ట్ చూపిస్తున్నారని డాక్టర్లు పేర్కొంటున్నారు. ఆన్లైన్ట్రీట్మెంట్కోసం డాక్టర్లు యాప్ లలో, ప్రాక్టో డాట్ కామ్ వంటి సైట్లలో ప్రొఫైల్ ని క్రియేట్ చేసుకుంటు న్నారు. ఎక్స్పీరియన్స్, స్పెషలైజేషన్ మెన్షన్ చేస్తున్నారు. రూ. 500 నుంచి వెయ్యి వరకు కన్సల్టేషన్ ఫీజు తీసుకుంటు న్నారు. అపాయింట్మెంట్బుక్ చేసుకునేందుకు ఆప్షన్ తో పాటు ఎన్ని స్లాట్స్ అందుబాటులో ఉన్నాయో అప్ డేట్ చేస్తున్నారు. ఉదయం నుంచి సాయంత్రం వరకు హాస్పిటల్స్ లో డ్యూటీ చేస్తూ సాయంత్రం వీడియో కన్సల్టేషన్ ద్వారా మెడిసిన్ రిఫర్ చేస్తున్నారు. ఆన్లైన్లో ట్రీట్మెంట్ చేసే డాక్టర్ల బిహేవియర్, ట్రీట్మెంట్, హెల్త్ ఇష్యూను పరిష్కరించే విధానంపై పేషెంట్లు రేటింగ్, కామెంట్లు రూపంలో మెన్షన్ చేస్తున్నారు.
ట్యాబ్లెట్స్ వేసుకున్నా తగ్గకుంటే
లైట్ ఫీవర్, గొంతులో దురద, తలనొప్పి ఉంటుండగా రెండు రోజులు ట్యాబ్లెట్స్ వేసుకున్నా తగ్గలేదు. హాస్పిటల్కు చెకప్ కోసం వెళ్దామనుకున్నా. బయటకు వెళ్లి రిస్క్చేయడమెందుకని ఆన్లైన్లోనే డాక్టర్ కన్సల్టేషన్ తీసుకున్నా. పది నిమిషాలు వీడియో కన్సల్టేషన్లో నా హెల్త్ప్రాబ్లమ్చెప్పాను. డాక్టర్ సూచించిన మెడిసిన్ వేసుకున్నాక క్యూర్ అయింది.
- దివ్యశ్రీ, ప్రైవేటు ఎంప్లాయ్, యూసఫ్గూడ
పేషెంట్ కండీషన్ తెలుసుకుని..
ప్రస్తుతం ఓపీ కంటే ఆన్లైన్లో కన్సల్టేషన్ తీసుకునే వాళ్లే ఎక్కువగా ఉంటున్నారు. వీడియో కన్సల్టేషన్లో ట్రీట్ చేస్తున్న పేషెంట్లలో ఎక్కువగా గొంతు నొప్పి ప్రాబ్లమ్ పైనే చెబుతు న్నారు. వీడియో కాల్ ద్వారా పేషెంట్ కండిషన్ తెలుసుకుని మెడిసిన్ సూచి స్తున్నాం. ఎమర్జెన్సీ అయితే కచ్చి తంగా హాస్పిటల్ కి రావాలని చెబు తున్నాం. రాలేని పరిస్థితిలో ఉంటే ఫ్యామిలీ మెంబర్స్ ద్వారా పేషెంట్ మెడికల్ రిపోర్ట్స్ తెప్పించు కుంటున్నాం. కండీషన్ను బట్టి ట్రీట్మెంట్ కంటిన్యూ చేస్తున్నాం.
- డాక్టర్ ఎస్ఏ రఫీ, కన్సల్టెంట్ పల్మనాలజిస్ట్, బంజారాహిల్స్