హైదరాబాద్, వెలుగు: ప్రధాని మోదీ తొలిసారి వరంగల్కు రావడాన్ని స్వాగతిస్తున్నామని.. అయితే మోదీ హయాంలో బీసీలు అవకాశాలు కోల్పోతున్నారని, దీనిపై నిలదీయడానికీ వెనుకాడబోమని బీసీ రాజ్యాధికార సమితి అధ్యక్షుడు దాసు సురేశ్ అన్నారు. బీసీల కు రాజకీయ అవకాశాలను కల్పించడంలో ప్రధాని శ్రద్ధపెట్టాలని ఆయన శనివారం ఓ ప్రకటనలో కోరారు. చట్టసభల్లో బీసీల రిజ ర్వేషన్లకు సంబంధించి మోదీ ఒక చిన్న రా జ్యాంగ సవరణ కూడా చేయకపోవడం బాధాకరమన్నారు.
బీసీలు పార్లమెంటులో అడుగుపెట్టాలని అనుకుంటున్నా రని అన్నారు. బీసీల జనాభా లెక్కింపు చేపడతామని 2018లో నాటి హోంమంత్రి రాజ్నాథ్తో ప్రకటన చే యించారని, కానీ ఇప్పటికీ ఆ విషయంలో కేం ద్రం ముందడుగు వేయడంలేదన్నారు. క్రీమీలేయర్ పరిమితిని రూ.8 లక్షలు పెట్టడం వల్ల బీసీ ఉద్యోగులు, వారి పిల్లలు నష్టపోతున్నారని ఆవేదన వ్యక్తం చేశారు. ఈ పరిమితిని రూ.15 లక్షలకు పెంచాలని ఆయన డిమాండ్ చేశారు.
