- పీసీసీ ప్రధాన కార్యదర్శి చనగాని దయాకర్
హైదరాబాద్, వెలుగు: బీఆర్ఎస్ వర్కింగ్ ప్రెసిడెంట్ కేటీఆర్ నోరు అదుపులో పెట్టుకోవాలని పీసీసీ ప్రధాన కార్యదర్శి చనగాని దయాకర్ సూచించారు. కాంగ్రెస్ కార్యకర్తలు తిరగబడితే ఆయన రాష్ట్రంలో కూడా ఉండలేరని హెచ్చరించారు. ఈ మేరకు శనివారం చనగాని దయాకర్ గాంధీ భవన్ లో మీడియాతో మాట్లాడారు.
పీసీసీ చీఫ్ మహేశ్ గౌడ్.. కేసీఆర్ దీక్ష గురించి వాస్తవాలు మాట్లాడితే కేటీఆర్ సంస్కారం లేకుండా మాట్లాడుతున్నారని ఫైర్ అయ్యారు. మహేశ్ గౌడ్ రాజకీయాల్లోకి వచ్చినప్పుడు కేటీఆర్ నిక్కర్ కూడా వేసుకోలేదని, పీసీసీ చీఫ్, సీఎంపై విమర్శలు చేసేటప్పుడు కేటీఆర్ జాగ్రత్తగా మాట్లాడాలని హెచ్చరించారు. ఆయన నోరు అదుపులో పెట్టుకోకపోతే పరిణామాలు తీవ్రంగా ఉంటాయన్నారు. బీఆర్ఎస్ అధికారంలో ఉన్న పదేండ్లలో తెలంగాణ చరిత్రను మార్చి కల్వకుంట్ల కుటుంబ చరిత్రగా రాసుకున్నారని చనగాని దయాకర్ విమర్శించారు.
