- ప్రిన్సిపల్ చీఫ్ కన్జర్వేటర్ ఆఫ్ ఫారెస్ట్స్ సువర్ణ
హైదరాబాద్, వెలుగు: అడవుల సంరక్షణలో అటవీ అధికారుల పాత్ర కీలమని, వారు తమ బాధ్యతలను నెరవేర్చడంలో ఎప్పడు ముందుండాలని ప్రిన్సిపల్ చీఫ్ కన్జర్వేటర్ ఆఫ్ ఫారెస్ట్స్ (పీసీసీఎఫ్) డా. సువర్ణ అన్నారు. పీసీసీఎఫ్వైల్డ్ లైఫ్ గా పనిచేస్తున్న ఈలుసింగ్ మేరు శనివారం పదవీ విరమణ చేశారు.
ఈ సందర్భంగా అటవీ శాఖ అధికారులు ఆయనకు ఆత్మీయంగా వీడ్కోలు పలికారు. ఈలు సింగ్ మేరు1990వ బ్యాచ్ కు చెందిన సీనియర్ ఐఎఫ్ఎస్అధికారి. అటవీశాఖలో వివిధ హోదాల్లో పనిచేశారు. ఈ సందర్భంగా అధికారులు ఆయనతో కలిసి పనిచేసిన అనుభవాలను గుర్తు చేసుకున్నారు.
అనంతరం ఈలుసింగ్ మేరు మాట్లాడారు. అటవీశాఖతో తనకు33 ఏండ్ల అనుబంధం ఉందని చెప్పారు. తనకు సహకరించిన ప్రతి అధికారికి కృతజ్ఞతలు తెలిపారు. పీసీసీఎఫ్సువర్ణ మాట్లాడుతూ.. ఆయన పనిచేసిన ప్రతి విభాగంలో క్రమశిక్షణ, నిజాయతీ, పట్టుదలతో మంచి పేరు సంపాదించుకున్నారని పేర్కొన్నారు.
