జాతీయస్థాయిలో పెద్దాపురం సిల్క్ చీరల పేరు మరోసారి మార్మోగింది. కేంద్ర ప్రభుత్వం అందించే ప్రతిష్టాత్మక అవార్డులను సొంతం చేసుకున్నాయి. చేనేత విభాగంలో పెద్దాపురం సిల్క్ చీరలు అరుదైన గుర్తింపును సొంతం చేసుకున్నాయి.
వన్ నేషన్ వన్ ప్రొడక్ట్ విభాగంలో భాగంగా పెద్దాపురం సిల్క్ చీరలు అవార్డును దక్కించుకున్నాయి.
జులై 14 సోమవారం ఢిల్లీలో జరిగిన కార్యక్రమంలో కాకినాడ జిల్లా క‌లెక్టర్ షణ్మోహన్ సగిలి ఈ అవార్డును అందుకున్నారు. జాతీయ స్థాయిలో పెద్దాపురం సిల్క్ చీరలు ఎంపిక కావడం విశేషం.
పెద్దాపురంలో పట్టు పరిశ్రమకు పెట్టింది పేరు. ఇక్కడ తయారు అయ్యే సిల్క్ ధోతులకు ( పంచలకు) మంచి గుర్తింపు ఉంది. దీనిని వేష్టి, ముండు పంచ అని కూడా పిలుస్తారు. ఇది స్వచ్ఛమైన సిల్క్. కార్మికులు మల్బరీ సిల్క్ నూలు నువ్వు ఉపయోగించి చేనేత వస్త్రం పై నేస్తారు. ఈ ప్రాంతంలో అందమైన పట్టు చీరలను సైతం రూపొందిస్తారు. ఇప్పటికీ చాలామంది వివాహసంప్రదాయంలో ఉపయోగించే మధుపర్కాలను ఇక్కడినుంచే కొనుగోలు చేస్తారు.
