- ఆకాశంలో యూఎఫ్ఓ ల వీడియోలు రిలీజ్ చేసిన పెంటగాన్
వాషింగ్టన్ : ఏలియన్స్, ప్లయింగ్ సాసర్స్ అసలు ఉన్నాయా? దీనిపై దశాబ్దాలుగా డిస్కషన్స్ సాగుతున్నాయి. కొంతమంది ఏలియన్స్ ఉన్నాయని నమ్ముతుంటే…మరికొంత మంది ఇదంతా ట్రష్ అని కొట్టిపాడేస్తున్నారు. కానీ అసలు వీటి ఉనికి గురించి తెలుసుకోవాలని మాత్రం ప్రతి ఒక్కరిలోనూ ఆసక్తి ఐతే ఉంది. ఈ ఆసక్తి మరింత పెంచేలా అమెరికా రక్షణ సంస్థ పెంటగాన్ మూడు వీడియోలు విడుదల చేసింది. ఈ మూడు వీడియోలోనూ గుర్తించటానికి వీలుకాని దృశ్యాలు అంటే అన్ ఐడెంటిఫైడ్ ఫ్లైయింగ్ అబ్జెక్స్ట్ (యూఎఫ్ఓ) లు ఉన్నాయి. ఇలాంటి యూఎఫ్ఓ లతో ఉన్న వీడియోలను ఒక దేశం విడుదల చేయటం ఇదే తొలిసారి. ఈ మూడు వీడియోలు కూడా ఇప్పటికే సోషల్ మీడియాలో ఉన్నవే. జనాల్లో అపోహాలను పొగొట్టేందుకే వీటిని రిలీజ్ చేశామని పెంటగాన్ తెలిపింది. ఇందులో ఉన్న ఒక్క వీడియోను అమెరికా నేవీ పైలటర్లు 2004 నే వీడియో తీశారు. ఈ వీడియోలో కొన్ని వస్తువులు ఆకాశం నుంచి వేగంగా దూసుకెళ్తూ కనిపిస్తున్నాయి. మరో వీడియోను 2015 జనవరిలో రికార్డు చేశారు. దీనితో పాటు మరో వీడియోను రిలీజ్ చేశారు. ఇప్పటికే సోషల్ మీడియాలో ఉన్న వీడియోలను మళ్లీ విడుదల చేయటం చర్చనీయంగా మారింది.
