టార్గెట్ రీచ్ అయ్యేందుకు టీఆర్ఎస్ లీడర్ల మైండ్గేమ్
మంత్రులు, ఎమ్మెల్యేలు కూడా బెదిరిస్తున్నరు
రైతుబంధు, కల్యాణ లక్ష్మి, డబుల్ బెడ్రూం ఇండ్ల లబ్ధిదారులకూ సభ్యత్వాలు
వృద్ధులను, ఐకేపీ మహిళలనూ వదలట్లే
లీడర్ల జేబుల్లోంచే మెంబర్షిప్ ఫీజులు
మంత్రులు, ఎమ్మెల్యేలు కూడా బెదిరిస్తున్నరు
రైతుబంధు, కల్యాణ లక్ష్మి,
డబుల్ బెడ్రూం లబ్ధిదారులకూ సభ్యత్వాలు
లీడర్ల జేబుల్లోంచే మెంబర్షిప్ ఫీజులు
ప్రభుత్వ సంక్షేమ పథకాలు అందాలంటే విధిగా టీఆర్ఎస్ సభ్యత్వం ఉండాలె.. ఇప్పటి నుంచి వచ్చే మూడేండ్ల వరకు కార్యకర్తలను కంటికి రెప్పలా కాపాడుకుంటం.. పార్టీలో ఉన్న అర్హులకే స్కీంలు అందిస్తం.. సభ్యత్వం తీసుకున్నోళ్లకు ఇన్సూరెన్స్ వస్తది.
– శనివారం స్టేషన్ ఘన్పూర్లో ఎమ్మెల్యే తాటికొండ రాజయ్య
టీఆర్ఎస్ గవర్నమెంట్ ద్వారా ఎంతోమంది లబ్ధి పొందుతున్నరు. పింఛన్ దారులు, రైతుబంధు తీసుకుంటున్నవాళ్లు, కల్యాణ లక్ష్మి, షాదీముబారక్, సీఎం రిలీఫ్ ఫండ్ లబ్ధి పొందుతున్న వాళ్లను గుర్తించండి.. వాళ్లందరితో తప్పకుండా టీఆర్ఎస్ సభ్యత్వం చేయించండి.
– ఈ నెల 19న కుమ్రంభీం ఆసిఫాబాద్ లో మంత్రి సత్యవతి రాథోడ్
వెలుగు, నెట్వర్క్: 15 రోజుల్లో రాష్ట్రవ్యాప్తంగా 60 లక్షల మెంబర్షిప్ చేయాలని, ప్రతి నియోజకవర్గంలో 50 వేల మార్కు దాటాలని టీఆర్ఎస్ హైకమాండ్ టార్గెట్పెట్టడంతో దానిని రీచ్ అయ్యేందుకు ఆ పార్టీ లీడర్లు కట్టు తప్పుతున్నారు. పింఛన్లు, రైతుబంధు, ఇతర పథకాలు రావాలంటే పార్టీ మెంబర్షిప్ తీసుకోవాల్సిందేనని బెదిరించి మరీ సంతకాలు పెట్టించుకుంటున్నారు. వృద్ధులు, బీడీ కార్మికులు, ఐకేపీ మహిళలను కూడా వదలట్లేదు. కొందరు మంత్రులు, ఎమ్మెల్యేలైతే టీఆర్ఎస్సభ్యత్వం లేనివారికి సంక్షేమ పథకాలు ఇవ్వబోమని
బహిరంగంగానే హెచ్చరిస్తున్నారు. మెంబర్షిప్ తీసుకున్నవాళ్లకే అన్ని స్కీముల్లో ప్రియారిటీ ఇస్తామంటూ మైండ్గేమ్ ప్లే చేస్తున్నారు. పార్టీ విధానాలు నచ్చి స్వేచ్ఛగా తీసుకోవాల్సిన మెంబర్షిప్ను ఇలా రాజకీయం చేయడం ఏమిటని సామాన్యులు అంటున్నారు.
లీడర్ల ఉరుకులు పరుగులు
15 రోజుల్లో ఒక్కో నియోజకవర్గానికి 50 వేలు తగ్గకుండా సభ్యత్వాలు చేయాలనే టీఆర్ఎస్ హై కమాండ్ఆదేశాలతో నియోజకవర్గాల్లో లీడర్లు ఉరుకులు, పరుగులు పెడుతున్నారు. ఫిబ్రవరి 12న మెంబర్షిప్ డ్రైవ్ అఫీషియల్గా స్టార్ట్ అయింది. శనివారం నాటికి ఇచ్చిన గడువు ముగిసింది. కానీ చాలాచోట్ల ఇంకా టార్గెట్ పూర్తికాలేదు. దీంతో లీడర్లకు, ముఖ్యంగా ఎమ్మెల్యేలకు టెన్షన్ పట్టుకుంది. కింది స్థాయిలో జడ్పీటీసీలు, ఎంపీటీసీలు, సర్పంచులు, ఇతర పార్టీ లీడర్లపై ఒత్తిడి తెస్తున్నారు. వీరంతా మెంబర్షిప్ తీసుకోకపోతే పింఛన్లు రావని చెబుతూ వృద్ధులు, బీడీకార్మికులు, ఐకేపీ మహిళల పేర్లు రాసుకొని పోతున్నారు. సభ్యత్వం తీసుకోకపోతే డబుల్బెడ్రూమ్ఇండ్లు రావని బెదిరిస్తున్నారు. రైతుబంధు, కల్యాణ లక్ష్మి, సీఎం రిలీఫ్ ఫండ్ లబ్ధిదారులకూ మెంబర్షిప్ అంటగడుతున్నారు. లీడర్లు, సర్పంచ్లపై భయంతోనో, భక్తితోనో ఊళ్లలో కామన్ పబ్లిక్ సభ్యత్వం తీసుకుంటున్నారు.
ఎమ్మెల్యేలు, మంత్రులూ బెదిరిస్తున్నరు
బాధ్యతాయుతమైన పదవుల్లో ఉన్న మంత్రులు, ఎమ్మెల్యేలు కూడా మెంబర్షిప్ కోసం కామన్ పబ్లిక్ను బెదిరిస్తున్నారు. ఈ నెల 19 న కుమ్రంభీం ఆసిఫాబాద్ జిల్లా కేంద్రంలోని ప్రేమల గార్డెన్ లో టీఆర్ఎస్ సభ్యత్వ నమోదు కార్యక్రమం పై రివ్యూ మీటింగ్జరిగింది. ఈ కార్యక్రమానికి ముఖ్యఅతిథిగా వచ్చిన మంత్రి మాట్లాడుతూ టీఆర్ఎస్ గవర్నమెంట్ ద్వారా లబ్ధి పొందుతున్న పింఛన్దారులు, రైతుబంధు తీసుకుంటున్న రైతులు, కల్యాణ లక్ష్మి, షాదీముబారక్, సీఎం రిలీఫ్ ఫండ్ లబ్ధి పొందుతున్న వారందరితో తప్పకుండా టీఆర్ఎస్ సభ్యత్వం చేయించాలని క్యాడర్ను ఆదేశించారు. ‘ప్రభుత్వ సంక్షేమ పథకాలు అందాలంటే విధిగా టీఆర్ఎస్ సభ్యత్వం ఉండాలె’ అని స్టేషన్గన్పూర్ఎమ్మెల్యే తాటికొండ రాజయ్య అంటే, ‘టీఆర్ఎస్ పార్టీ కండువా కప్పుకున్న బాపతోళ్లకే ఇండ్లు కట్టిస్తం’ అని జనగామ ఎమ్మెల్యే ముత్తిరెడ్డి యాదగిరి రెడ్డి అనడం గమనార్హం.
మెంబర్షిప్ పైసలు లీడర్లే పెట్టుకుంటున్నరు
నియోజకవర్గాల్లో సభ్యత్వాల కోసం మండల, గ్రామ ఇన్చార్జిలను నియమించారు. వీళ్ల ఆధ్వర్యంలో ఎక్కడికక్కడ కార్యకర్తలతో మీటింగ్లు పెట్టి టార్గెట్లు అప్పగించారు. కార్పొరేషన్లు, మున్సిపాలిటీల పరిధిలోనైతే కౌన్సిలర్లకు, మండలాల్లో అయితే జడ్పీటీసీలు, ఎంపీటీసీలు, సర్పంచ్లకు, ప్యాక్స్, ఏఎంసీ ప్రెసిడెంట్లకు వాళ్ల వాళ్ల కెపాసిటీని బట్టి 200 నుంచి 500 వరకు రిసిప్ట్లు ఉన్న బుక్స్అందించారు. దీంతో వీళ్లంతా గ్రామాల్లో తిరుగుతూ సభ్యత్వాలు చేస్తున్నారు. సాధారణ మెంబర్ షిప్కు రూ.30, క్రియాశీలకమైతే రూ.100 మెంబర్షిప్ ఫీజు చెల్లించాల్సి ఉండగా, పబ్లిక్ఎవరూ కట్టట్లేదు. ఇలాగైతే టార్గెట్ రీచ్ కావడం కష్టమని టీఆర్ఎస్ లీడర్లే ‘మీరు పైసా కట్టాల్సిన పనిలేదు.. పైగా రూ.2 లక్షల ఇన్యూరెన్స్ కూడా ఉంటది..’ అని చెప్పి అందరి పైసలూ వాళ్ల జేబుల్లోంచే పెట్టుకొని మెంబర్షిప్ ఇస్తున్నారు.
సిరిసిల్లలో 4 రోజుల్లో 70 వేల సభ్యత్వాలు
రాజన్న సిరిసిల్ల, వెలుగు: టీఆర్ఎస్వర్కింగ్ ప్రెసిడెంట్, మంత్రి కేటీఆర్ఇలాకా అయిన సిరిసిల్లలో పార్టీలో అంతర్గత విభేదాలు తీవ్రస్థాయిలో నెలకొన్నాయి. మెంబర్ షిప్ కార్యక్రమానికి ఆ పార్టీలోని పలువురు లీడర్లు, కార్యకర్తలు దూరంగా ఉంటున్నారు. నియోజకవర్గంలో కనీసం 60 వేల సభ్యత్వాలు చేయాలనే టార్గెట్పెట్టుకుంటే గడిచిన 12 రోజుల్లో పట్టుమని 10 వేల మందినీ చేర్పించలేకపోయారు. దీంతో నేతల పనితీరుపై తీవ్ర అసహనం వ్యక్తం చేసిన మంత్రి కేటీఆర్ తన పీఏలు బండారి తిరుపతి, మహేందర్రెడ్డిని రంగంలోకి దించారు. సిరిసిల్లలోనే మకాం వేసిన ఈ ఇద్దరూ కేవలం నాలుగు రోజుల వ్యవధిలో ఏకంగా 70 వేల మందితో మెంబర్షిప్ చేయించారు. 12 రోజుల్లో కానిది నాలుగు రోజుల్లో చేయడం రాజకీయంగా హాట్టాపిక్లా మారింది. నాలుగంటే నాలుగు రోజుల్లో 70 వేల మంది వివరాలు రాసుకెళ్లిన మంత్రి మనుషులు.. ఏడాదిగా పింఛన్లురాక, ప్రభుత్వ స్కీ ములు అందక ఆఫీసుల చుట్టూ తిరుగుతున్నవాళ్ల పేర్లను కూడా రాసుకెళ్తే బాగుండేదని కామన్ పబ్లిక్ సెటైర్ వేస్తున్నారు.