అన్నపురెడ్డిపల్లి, వెలుగు : రేషన్ బియ్యాన్ని అక్రమంగా తరలిస్తున్న వాహనాన్ని గురువారం అన్నపురెడ్డిపల్లి పోలీసులు పట్టుకున్నారు. ఐదుగురిపై కేసు నమోదు చేశారు. పోలీసులు తెలిపిన వివరాల ప్రకారం.. ఏపీలోని కాకినాడ జిల్లా గొల్లప్రోలు మండలం చేబ్రోలు గ్రామానికి చెందిన మణికంఠ మండలంలోని గుంపెన రేషన్ బియ్యాన్ని , కాకినాడ కు చెందిన వెంకట్రావుకు సరఫరా చేసేందుకు తన డీసీఎం వాహనంతో గురువారం తెల్లవారు జామున బయలుదేరాడు. పక్కా సమాచారంతో గ్రామ శివారు ప్రాంతంలో పోలీసులు వాహనాన్ని పట్టుకున్నారు.
అందులో సుమారు రూ.1.17 లక్షల విలువైన 90 క్వింటాల రేషన్ బియ్యం ఉన్నట్లు గుర్తించి, వాహనాన్ని స్టేషన్ కు తరలించారు. కాకినాడకు చెందిన మణికంఠ, ముత్యాలరాజు, వెంకట్రావు తో పాటు కట్టుగూడెం గ్రామానికి చెందిన దుకాణ నిర్వహకులు మిడియం తులిసమ్మ, అజీమ్పై కేసు నమోదు చేసి దర్యాప్తు చేస్తున్నామని ఎస్సై చంద్రశేఖర్ తెలిపారు.
10 క్వింటాళ్లు..
అశ్వాపురం : మణుగూరు నుంచి ఏపీలోని చింతూరుకు అక్రమంగా తరలిస్తున్న పది క్వింటాళ్ల రేషన్ బియ్యాన్ని అశ్వాపురంలో పోలీసులు పట్టుకున్నారు. మణుగూరుకు చెందిన ఉత్పత్తుల నరసింహారావు ప్రజల వద్ద నుంచి సేకరించిన 10 గంటల రేషన్ బియ్యాన్ని టాటా ఎస్ వాహనంలో తరలిస్తుండగా అశ్వాపురం పోలీసులు పట్టుకున్నారు. వాహనాన్ని సీజ్ చేసి బియ్యాన్ని స్వాధీనం చేసుకున్నారు. నిందితుడిపై కేసు నమోదు చేసి దర్యాప్తు చేస్తున్నట్లు సీఐ అశోక్ రెడ్డి తెలిపారు.
