Bitcoin Recod Rally: ప్రస్తుతం మార్కెట్లో ఏం నడుస్తోంది అని గమనిస్తే క్రిప్టో కరెన్సీల హవా నడుస్తోందని చెప్పుకోవచ్చు. ఎందుకంటే మోస్ట్ ఫేమస్ అయిన బిట్ కాయిన్ తన పరుగును నిరంతరాయంగా కొనసాగిస్తూనే ఉంది. ముందు చూపు కలిగిన చాలా మంది ఇన్వెస్టర్లు ప్రస్తుతం దీని కారణంగా భారీ సంపదను కూడబెట్టుకుంటున్నారు. పైగా బిట్ కాయిన తన సుదీర్ఘ ర్యాలీని కొనసాగించటమే దీనికి కారణం.
నేడు బిట్‌కాయిన్ ధర ఒక్కోటి1లక్ష 20వేల 990 డాలర్ల జీవితకాల గరిష్ఠాలకు చేరుకుంది. భారత కరెన్సీ లెక్కల ప్రకారం దీని రేటు ఒక్కోటి రూ.కోటి 4 లక్షలుగా ఉంది. భారతీయ ఇన్వెస్టర్లలో క్రిప్టో పెట్టుబడులపై పెరిగిన అవగాహన, క్రిప్టోల వైపు వారి అడుగులు పెద్ద మార్పుగా పరిగణిస్తున్నట్లు ప్రముఖ క్రిప్టో ఎక్స్ఛేంజీ జియోటస్ సంస్థ పేర్కొంది.
ఒకప్పుడు ఇంట్రాడే ట్రేడింగ్ కోసం క్రిప్టోల్లోకి వచ్చిన ఇన్వెస్టర్లు ప్రస్తుతం దానిని ఒక వ్యూహాత్మక దీర్ఘకాలిక అసెట్ క్లాస్ కింద పరిగణిస్తున్నట్లు వాలెట్ చేరికల్లో పెరుగుదల సూచిస్తోందని క్రిప్టో ఎక్స్ఛేంజీ వెల్లడించింది. ప్రస్తుతం వచ్చిన మార్పులు బిట్‌కాయిన్ వేగంగా సంపద సృష్టికి పునాది స్తంభంగా మారుతుందనే లోతైన మార్కెట్ నమ్మకాన్ని ప్రతిబింబిస్తోందని పేర్కొంది. ఇటీవల బిట్‌కాయిన్ తన టెక్నికల్ రెసిస్టెన్స్ లెవెల్ లక్ష 10వేల డాలర్ల మార్కును అధిగమించటం మరింత ర్యాలీకి కారణంగా మారింది.
దీనికి తోడు ఎథెరియం, సోలానా, కార్డానో, సుయి వంటి ఇతర కాయిన్స్ కూడా క్రిప్టో ఇన్వెస్టర్ల నుంచి మంచి ఆదరణను పొందుతున్నాయి. డేటా ప్రకారం ఈ ఏడాది బలమైన ట్రెండ్ కొనసాగే అవకాశం ఉందని ఊహించబడింది. ఈ క్రమంలో చిన్నచిన్న ఒడిదొడుకులు ఉన్నప్పటికీ క్రిప్టోల ప్రాభల్యం పెట్టుబడుల ప్రపంచంలో సుస్థిరంగా ముందుకు సాగుతుందని జియోటస్ భావిస్తోంది.
ఈ క్రమంలో చాలా మంది ఇన్వెస్టర్లలో ఉండే అనుమానం బిట్‌కాయిన్ ర్యాలీ ఇంకెంత వరకు చేరుకుంటుంది అన్నదే. దీనికి జియోటస్ సీఈవో విక్రమ్ సుబ్బురాజ్ అంచనాలను చూస్తే ఇకపై బిట్‌కాయిన్ ధర లక్షా 35వేల డాలర్ల రేటు వద్ద నిరోధాన్ని ఎదుర్కొంటుందని తెలుస్తోంది. ఇదే క్రమంలో క్రిప్టో ఈటీఎఫ్ పెట్టుబడులు పెరిగితే ఒక్కో బిట్‌కాయిన్ రేటు ఏకంగా లక్షా 50వేల డాలర్ల వరకు చేరుకునే అవకాశం ఉందని విక్రమ్ చెబుతున్నారు. మార్కెట్లలో ఓలటాలిటీ, ఫ్రాఫిట్ బుక్కింగ్, ఇతర ఒడిదొడుకులు ఉన్నప్పటికీ చాలా మంది తమ పోర్ట్ ఫోలియోలో క్రిప్టోలకు కొంత సముచిన మెుత్తాన్ని కేటాయించి ముందుకు సాగటానికి ఇది సరైన సమయంగా జియోటస్ సీఈవో విక్రమ్ సుబ్బురాజ్ అభిప్రాయపడుతున్నారు.
ALSO READ : Gold Rates: మళ్లీ లక్షకు చేరిన గోల్డ్.. వెండి కేజీ రూ.లక్ష 25వేలు, హైదరాబాద్ రేట్లివే..
కోటీశ్వరులను చేసిన కాయిన్..
ఎవరైనా భారతీయ ఇన్వెస్టర్లు 15 ఏళ్ల కిందట 2009లో బిట్‌కాయిన్ ధర 0.04865 డాలర్ల వద్ద ఉన్నప్పుడు భారత కరెన్సీ ప్రకారం ఒక్కోటి రూ.2.25 సమయంలో పెట్టుబడి పెట్టి ఒక్క బిట్ కాయిన్ కొని దానిని ఇప్పటి వరకు హోల్డ్ చేసి ఉంటే దాని విలువ ప్రస్తుతం కోటి రూపాయల కంటే ఎక్కువగా ఉండేది. అప్పట్లో డాలర్ రూపాయి మారకపు విలువ రూ.46 వద్ద ఉన్న సంగతి తెలిసిందే. బిట్‌కాయిన్ ఈ కాలంలో ఏకంగా 44 లక్షల రెట్ల కంటే ఎక్కువ రాబడిని ఇన్వెస్టర్లకు తెచ్చిపెట్టడం గమనార్హం.
