పాన్ ఇండియా హీరో ప్రభాస్ అప్ కమింగ్ రిలీజ్ మూవీ మాత్రం ‘ది రాజా సాబ్’ (The Raja Saab). ప్రభాస్ కెరీర్లో ఫస్ట్ టైం హారర్ కామెడీ జానర్ కావడంతో సినిమాపై భారీ హైప్ ఉంది. అయితే, మారుతి తెరకెక్కిస్తున్న ఈ మూవీ చాలాకాలంగా ఊరిస్తూ వస్తోంది. ఈ క్రమంలో డార్లింగ్ ఫ్యాన్స్ని కూల్ చేయడానికి ట్రైలర్ అప్డేట్ ఇచ్చారు మేకర్స్.
రేపు సోమవారం (సెప్టెంబర్ 29న) సాయంత్రం 6 గంటలకు ట్రైలర్ రిలీజ్ అవ్వనున్నట్లు పోస్టర్ రిలీజ్ చేశారు. ‘భయానికి ద్వారాలు తెరుచుకున్నాయి.. ధైర్యముంటే ఎంటర్ అవ్వండి’ అని మేకర్స్ ఇంట్రెస్టింగ్ క్యాప్షన్ ఇచ్చారు.
The GATES of FEAR are opening…
— The RajaSaab (@rajasaabmovie) September 28, 2025
Enter if you dare 😎#TheRajaSaabTRAILER on SEP 29th, 6PM 💥💥#TheRajaSaab #Prabhas pic.twitter.com/8wuQO2Webl
3 నిమిషాల 30 సెకన్లు ఉన్న ఈ ట్రైలర్‌‌‌‌‌‌‌‌కి సెన్సార్ నుంచి యూ/ఏ సర్టిఫికెట్ వచ్చినట్లు సమాచారం. టీజర్‌‌‌‌‌‌‌‌లో రొమాంటిక్, కామెడీ ఎలిమెంట్స్ చూపించిన దర్శకుడు మారుతి, ఈసారి అందుకు భిన్నంగా హారర్, యాక్షన్ సన్నివేశాలతో ట్రైలర్‌‌‌‌‌‌‌‌ను కట్ చేసినట్లు తెలుస్తోంది. ఈ క్రమంలో సినిమాపై ప్రేక్షకుల్లో అంచనాలు మరింత పెరిగాయి.
మరోవైపు అక్టోబర్ 23న ప్రభాస్ బర్త్‌‌‌‌‌‌‌‌డే సందర్భంగా ఈ మూవీ ఫస్ట్ సాంగ్‌‌‌‌‌‌‌‌ను రిలీజ్ చేయనున్నారు. ఇటీవల నిర్మాత విశ్వ ప్రసాద్ సాంగ్ అప్డేట్ ఇచ్చారు. ఈ క్రమంలో వరుస అప్డేట్స్తో ప్రభాస్ ఫ్యాన్స్‌‌‌‌‌‌‌‌ను ఖుషి చేయనున్నారు మేకర్స్.
ఇందులో ప్రభాస్కు జోడీగా మాళవిక మోహనన్, నిధి అగర్వాల్, రిద్ధి కుమార్ నటిస్తున్నారు. బాలీవుడ్ నటుడు సంజయ్ దత్ కీల‌‌‌‌‌‌‌‌క పాత్రలో కనిపించనున్నారు. తమన్ సంగీతం అందిస్తున్నాడు. ఇక డిసెంబర్ 5న విడుదల కావాల్సిన ఈ చిత్రాన్ని వాయిదా వేస్తూ.. సంక్రాంతి కానుకగా జనవరి 9న వరల్డ్‌‌‌‌‌‌‌‌వైడ్‌‌‌‌‌‌‌‌గా విడుదల చేయబోతున్నారు.
